ఒక్క పోస్ట్ తో "టాక్ ఆఫ్ ది టౌన్" గా మారిన అక్కినేని కోడలు పిల్ల..ఫ్యాన్స్ ఇంప్రెస్..!
బాలీవుడ్ స్టార్ హీరో రణ్వీర్ సింగ్ ప్రధాన పాత్రలో నటించిన తాజా చిత్రం ‘ధురంధర్’ థియేటర్లలో విడుదలైనప్పటి నుంచే బాక్సాఫీస్ వద్ద సంచలనాలు సృష్టిస్తోంది. విడుదలైన తొలి రోజునుంచే భారీ వసూళ్లు సాధిస్తూ దూసుకుపోతున్న ఈ సినిమా, ఇప్పటికే ప్రపంచవ్యాప్తంగా ప్రేక్షకుల అభిమానాన్ని సొంతం చేసుకుంది.ఇప్పటివరకు వరల్డ్వైడ్గా రూ.1000 కోట్లకు పైగా వసూళ్లు సాధించి, బాక్సాఫీస్ రికార్డులను తిరగరాస్తోంది. అంతేకాదు, 2025 సంవత్సరంలో భారత్లో అత్యధిక వసూళ్లు సాధించిన చిత్రంగా ‘ధురంధర్’ నిలిచింది. ‘ధురంధర్’ కొత్త చరిత్రను సృష్టించింది.
ముఖ్యంగా ఏ-రేటింగ్ సినిమాగా ఈ స్థాయి విజయం సాధించడం విశేషమని సినీ వర్గాలు పేర్కొంటున్నాయి.ఈ చిత్రం కథ, కథనం, రణ్వీర్ సింగ్ నటనకు ప్రేక్షకులతో పాటు సెలబ్రిటీల నుంచి కూడా విస్తృతమైన ప్రశంసలు లభిస్తున్నాయి. ఇప్పటికే పలువురు ప్రముఖులు సోషల్ మీడియా వేదికగా ఈ సినిమాపై తమ అభిప్రాయాలను పంచుకుంటూ ఆసక్తికర పోస్టులు చేస్తున్నారు.
ఈ క్రమంలో తాజాగా అక్కినేని కుటుంబ కోడలు, ప్రముఖ నటి శోభిత ధూళిపాళ కూడా ‘ధురంధర్’ సినిమాను వీక్షించి తన స్పందనను సోషల్ మీడియా ద్వారా తెలియజేశారు. ఇన్స్టాగ్రామ్ స్టోరీలో ఆమె ఈ చిత్రాన్ని ఘనంగా ప్రశంసించారు.శోభిత తన స్టోరీలో..“వావ్.. వావ్.. వావ్.. ఉత్కంఠభరితం. మనసును కదిలించే చిత్రం. స్ఫూర్తిదాయకం. ఇప్పటివరకు వచ్చిన సినిమాలన్నిటికీ భిన్నంగా ఉంది. అత్యున్నత స్థాయిలో రూపొందింది. సారా అర్జున్ ఎంత ప్రతిభ, ఎంత అందం!” అని రాసుకొచ్చారు. అంతేకాదు, సెల్యూట్ చేస్తున్న ఎమోజీలు, నమస్కారం చేస్తున్న ఎమోజీలు, హార్ట్ సింబల్స్ను జోడించి తన అభిమానం వ్యక్తం చేశారు.
శోభిత ధూళిపాళ చేసిన ఈ స్టోరీ ప్రస్తుతం సోషల్ మీడియాలో వైరల్గా మారింది. ఆమె ప్రశంసలతో ‘ధురంధర్’ సినిమాపై మరింత హైప్ పెరిగింది. ఈ స్టోరీని చూసిన నెటిజన్లు కూడా తమదైన శైలిలో స్పందిస్తూ, సినిమా గొప్పతనాన్ని కొనియాడుతున్నారు. మొత్తంగా చూస్తే, ‘ధురంధర్’ కేవలం బాక్సాఫీస్ విజయం మాత్రమే కాకుండా విమర్శకులు, ప్రేక్షకులు, సెలబ్రిటీల ప్రశంసలు కూడా అందుకుంటూ 2025లో అత్యంత గుర్తుండిపోయే సినిమాగా నిలుస్తోంది..!