నేడు బాలయ్య నుండి బిగ్ అనౌన్సమెంట్ రాబోతుందా..? వైరల్ అవుతున్న లెటేస్ట్ న్యూస్..!
నందమూరి నటసింహం బాలకృష్ణ హీరోగా, సంయుక్త మీనన్ హీరోయిన్గా నటిస్తున్న అతి ప్రతిష్ఠాత్మక చిత్రం “అఖండ 2 – తాండవం” పై అభిమానుల్లో భారీ అంచనాలు నెలకొన్నాయి. దర్శకుడు బోయపాటి శ్రీను దర్శకత్వం వహిస్తున్న ఈ చిత్రం బాలయ్య కెరీర్లో మరో భారీ యాక్షన్ ఎంటర్టైనర్గా రూపుదిద్దుకుంది.ఇప్పటికే విడుదల కావాల్సిన ఈ సినిమాను సడన్గా వచ్చిన కొన్ని ఊహించని పరిస్థితుల కారణంగా వాయిదా వేసిన విషయం తెలిసిందే. దీంతో బాలయ్య అభిమానుల్లో ఒక్కసారిగా నిరాశ నెలకొంది. అయితే ఇక ఆ నిరాశ ఎక్కువరోజులు కొనసాగదనిపిస్తోంది. తాజా సమాచారం ప్రకారం సినిమా కొత్త విడుదల తేదీపై అధికారిక ప్రకటన చాలా త్వరలోనే రానుందట.
ఇక అందుతున్న టాక్ మేరకు, మరింత ఆలస్యం లేకుండా వచ్చే వారానికే సినిమాను విడుదల చేయాలని మేకర్స్ ఫైనల్ నిర్ణయం తీసుకున్నారట. ముఖ్యంగా డిసెంబర్ 12నే విడుదల తేదీగా లాక్ చేసిన అవకాశాలు చాలా బలంగా వినిపిస్తున్నాయి. దీనిపై అధికారిక అప్డేట్ ఈ రోజువచ్చేయొచ్చని ఇండస్ట్రీలో చర్చ నడుస్తోంది.ఇంకా మరో ఆసక్తికర అంశం ఏమంటే, థియేటర్లలో గ్రాండ్ ప్రీమియర్స్ ఈ నెల 11 నుంచే ప్లాన్ చేస్తున్నారని కూడా టాక్ వినిపిస్తోంది. అంటే అభిమానులకు టపాసుల్లాంటి ఎంటర్టైన్మెంట్ మొదలవుతుందన్నమాట. కానీ ఇవన్నీ అధికారిక ప్రకటన వచ్చే వరకు ఫ్యాన్స్ ఆసక్తిగా ఎదురు చూడాల్సిందే.
సంగీతం విషయానికొస్తే థమన్ ఈ చిత్రానికి అద్భుతమైన బ్యాక్గ్రౌండ్ స్కోర్ అందిస్తున్నారని సమాచారం. ఇప్పటికే విడుదలైన ప్రీ విజువల్ టీజర్ మరియు పోస్టర్లు ప్రేక్షకుల్లో అసాధారణమైన హైప్ క్రియేట్ చేశాయి. అంతేకాక 14 రీల్స్ ప్లస్ ప్రతిష్ఠాత్మకంగా నిర్మిస్తున్న ఈ సినిమాకి భారీ బడ్జెట్ కేటాయించినట్టు తెలిసింది.ఇక మొత్తంగా చూస్తే—ఒకసారి అధికారిక రిలీజ్ డేట్ వచ్చింది అంటే, బాలయ్య మాస్ ఫీస్ట్కి కౌంట్డౌన్ మొదలయ్యే అవకాశం ఖాయం. అందువల్ల అఖండ 2 పై ఉన్న ఆసక్తి, అంచనాలు రోజురోజుకూ మరింత పెరుగుతూనే ఉన్నాయి.