ఫాలోయింగ్ సంగతి సరే కానీ మరి అది ఎక్కడ భాగ్యశ్రీ పాప..?
ఫాలోయింగ్ సంగతి సరే కానీ… మరి ఆ హైప్ను నిలబెట్టుకోవడం ఎంత కష్టం తెలుసా? ఆ విషయంలో భాగ్యశ్రీ బోర్సే మాత్రం బాగా ఇబ్బందులు ఎదురుకుంటుంది. చేసిన కొన్ని సినిమాలకే ఇంత పెద్ద ఫాలోయింగ్ సంపాదించడం ఎవరికీ అంత ఈజీ కాదు. ‘మిస్టర్ బచ్చన్’లో ఆమె చూపించిన గ్లామర్ యూత్ను బాగా ఆకట్టుకుంది. కమర్షియల్ హీరోయిన్కి ఉండాల్సిన స్క్రీన్ ప్రెజెన్స్, లుక్స్, ఎనర్జీ అన్నీ భాగ్యశ్రీలో స్పష్టంగా కనిపించాయి.అయితే చాలా మంది హీరోయిన్ల మాదిరిగానే ఆమెపై కూడా ఒక డౌట్ ఉండేది—“గ్లామర్ మాత్రమేనా? నటనా?” కానీ ఆ ప్రశ్నకు సమాధానం చెప్పే అవకాశం ‘కాంత’ సినిమాలో ఆమెకు దక్కింది. అక్కడ ఆమె పోషించిన ‘ పాత్ర ఆమె నటనపై ఉన్న అనుమానాలన్నింటినీ ఒక్కసారిగా తొలగించింది. కొన్ని సన్నివేశాల్లో ఆమె చూపించిన ఎమోషన్, ఇన్నోసెన్స్ ప్రేక్షకులను ఆశ్చర్యపరిచాయి.
కుమారి పాత్రకు వచ్చిన రెస్పాన్స్పై భాగ్యశ్రీ కూడా చాలా ఎమోషనల్గా రియాక్ట్ అయ్యింది. “నన్ను నేను నటిగా నిరూపించుకోవడానికి అవకాశమిచ్చిన సినిమా ‘కాంత’. ప్రేక్షకులు నా గ్లామర్ మాత్రమే కాదు, నా నటనను కూడా ఇష్టపడటం నాకు చాలా హ్యాపీగా ఉంది. ఇది కేవలం ప్రారంభం మాత్రమే. అనుష్క నా ఫేవరెట్. ఆమె చేసిన ‘అరుంధతి’ లాంటి ఐకానిక్ రోల్స్ నాకు రావాలని ఎంతో కోరుకుంటున్నాను,” అని ఆమె చెప్పింది. నిజం చెప్పాలంటే, ఆమె చెప్పింది వినగానే చాలా మందికి అనుష్క కెరీర్ గుర్తుకు వచ్చింది. అనుష్క కూడా మొదట ‘సూపర్’ లాంటి కమర్షియల్ సినిమాతో ఎంట్రీ ఇచ్చింది. కానీ ఎంతో త్వరగా ‘అరుంధతి’ రూపంలో ఒక భారీ బ్లాక్బస్టర్ ఆమెను ఇండస్ట్రీలో స్టార్గా నిలబెట్టింది. అదే విధంగా భాగ్యశ్రీకీ కూడా ప్రస్తుతం మంచి ఫాలోయింగ్ ఉంది, యాక్టింగ్ స్కిల్స్ కూడా ప్రూవ్ అయ్యాయి. కానీ ఆమెకి అత్యవసరం అయిన ఒక్కటే… ఒక సాలిడ్ హిట్!
ఇప్పటివరకు ఆమె చేసిన సినిమాలు బాక్సాఫీస్ వద్ద అంతగా ఆకట్టుకోలేదు. ఈ కాలంలో ‘హిట్ హీరోయిన్’ అనిపించుకోవడం చాలా ముఖ్యం. ఎందుకంటే ఒక్క హిట్ చాలదు, ఆ హిట్తో వచ్చే మార్కెట్నే తర్వాతి అవకాశాలు నిర్ణయిస్తాయి. ఇప్పుడు అందరి దృష్టి ఆమె రాబోయే ‘ఆంధ్ర కింగ్’పై ఉంది. ఈ సినిమా బాక్సాఫీస్ వద్ద మాస్ హిట్ కొడితే… భాగ్యశ్రీ కెరీర్ పూర్తిగా సెటైపోయే అవకాశం ఉంది. అంతా ఇప్పుడు ఓ హిట్ కోసం ఎదురు చూస్తోంది. ఆ హిట్ ఆమెతో పాటు వస్తుందా? లేక ఆమె ఇంకా హంటింగ్ కొనసాగించాలా? అన్నది చూడాల్సిందే.