పవన్ కళ్యాణ్ కోసం బాలయ్య చేసిన ఈ పని ఎప్పటికి మర్చిపోలేరు.. ఫ్యాన్స్ ఇంప్రెస్..!
సినిమా ఇండస్ట్రీలో సాధారణంగా హీరోలు ఒకరికి ఒకరు సహాయం చేయడం చాలా కామన్గానే కనిపిస్తుంది. అది సినిమాలపరంగానైనా కావచ్చు, వ్యక్తిగతంగానైనా కావచ్చు. అయితే, కొందరు చేసే సహాయం ఎక్కువ కాలం గుర్తుండదు. ఈ రోజు సహాయం చేస్తే రేపటికి మరిచిపోయే పరిస్థితి ఉంటుంది. కానీ కొందరు హీరోలు చేసే సహాయం మాత్రం ఏళ్లు గడిచినా కూడా అలాగే గుర్తుండిపోతుంది. ఆ లిస్టులో నందమూరి బాలకృష్ణ ఎప్పటికీ నెంబర్ వన్ పొజిషన్లో ఉంటారని చెప్పడంలో ఎటువంటి సందేహం లేదు.
ఇండస్ట్రీలో చాలామంది బాలయ్య గురించి ఒకరకమైన ఇమేజ్ను కలిగి ఉంటారు. బాలయ్య అంటే కోపం ఎక్కువ, తన పని తాను చూసుకునే వ్యక్తి, ఇతర హీరోల గురించి పెద్దగా పట్టించుకోరు, టాలీవుడ్ అంటే ఆయన్ను ఆసక్తి పెద్దగా ఉండదు అనే అభిప్రాయాలు చాలా మంది మధ్య వినిపిస్తాయి. టాలీవుడ్ ఇండస్ట్రీలో పెద్ద స్టార్ అంటే చిరంజీవి అనేలా చాలామంది అనుకుంటారు. కానీ, ఈ అందరి అంచనాలను తలకిందులు చేసేలా బాలయ్య చేసే సహాయాలు ఉంటాయి. ముఖ్యంగా ఆయన సహాయం బయట పెద్దగా చెప్పుకోరు, కానీ ఆ సహాయం విలువ తెలిసేది చాలా తక్కువ మందికే.
దానికి పెద్ద ఉదాహరణ పవన్ కళ్యాణ్ కెరీర్లో మైలురాయిగా నిలిచిన “భీమ్లా నాయక్” సినిమా. ఈ సినిమాకు సంబంధించిన కథ మొదట బాలయ్య దగ్గరకే వెళ్లింది. అసలు ఈ కథలో బాలయ్య నటించాలని ముందుగా నిర్ణయం తీసుకున్నారు. కానీ కథ విన్న వెంటనే బాలయ్య ఆలోచన ఒక హీరో గొప్పతనాన్ని చూపించింది. “ఈ కథకు నేను కంటే పవన్ కళ్యాణ్ సరిగ్గా సరిపోతాడు, అతని బాడీ లాంగ్వేజ్, అతని ఇమేజ్ ఈ పాత్రకు పర్ఫెక్ట్గా సరిపోతుంది” అంటూ ఆయన ప్రత్యేకంగా నిర్మాతలను, డైరెక్టర్ను ఒప్పించారు. అంతే కాకుండా, ఈ కథను పవన్ కళ్యాణ్ విని నటించేలా ప్రత్యేకంగా రికమెండ్ కూడా చేశారు.
ఈ విషయాన్ని మొదటిసారి ‘అన్స్టాపబుల్’ టాక్ షోలో బయటపెట్టినప్పుడు, ప్రేక్షకులు షాక్ అయ్యారు. “బాలయ్య దగ్గరికి వెళ్లిన ఇంత మంచి కథను పవన్ కళ్యాణ్కి సజెస్ట్ చేశారా?” అని అందరూ ఆశ్చర్యపోయారు. సాధారణంగా ఇలాంటి మంచి కథలు ఒక హీరోకు వస్తే, “ఈ హిట్ నా ఖాతాలో పడితే బాగుంటుంది” అనుకునే పరిస్థితి ఉంటుంది. మరి “పక్క హీరో ఖాతాలో ఎందుకు పడాలి?” అనేది చాలామందికి ఉండే ఆలోచన. కానీ బాలయ్య మాత్రం అలాంటి మనస్తత్వం లేని వ్యక్తి. ఆయనకు ఎవరి కెరీర్కు ఏ సమయంలో ఏ విధమైన హిట్ అవసరమో అద్భుతంగా అర్థమవుతుంది. అందుకే ఈ కథ పవన్ కళ్యాణ్కి పర్ఫెక్ట్గా సరిపోతుందని భావించి, ఆయన చేత ఈ సినిమా చేయించారు.
తర్వాత కథ వినగానే పవన్ కళ్యాణ్ ఇంప్రెస్ అవ్వడం, సినిమా సైన్ చేయడం, షూటింగ్ మొదలవడం, రిలీజ్ అవడం, బ్లాక్బస్టర్ హిట్ కావడం అన్నీ చాలా వేగంగా జరిగిపోయాయి. ఈరోజుకి కూడా “భీమ్లా నాయక్” సినిమాలో పవన్ కళ్యాణ్ చెప్పిన డైలాగులు, పాటలు సోషల్ మీడియాలో ట్రెండ్ అవుతూనే ఉంటాయి. ఫ్యాన్స్కు ఈ సినిమా ప్రత్యేకంగా గుర్తుండిపోయేలా అయింది. ఇది బాలయ్య వ్యక్తిత్వానికి నిదర్శనం. ఆయనలో ఉన్న మంచి గుణం, ఇండస్ట్రీలో ఉన్న ఇతరుల పట్ల ఉన్న గౌరవం చూసి చాలా మంది ఆశ్చర్యపోతారు. ఆయన ఒకరికి చేసిన సహాయం కేవలం ఒక సినిమా హిట్ అవ్వడానికి కారణం మాత్రమే కాదు, ఆ హీరో కెరీర్లో కూడా ఓ కీలక మలుపు తిప్పగలిగింది. అందుకే బాలయ్య వంటి వ్యక్తులు ఈ ఇండస్ట్రీలో ప్రత్యేకంగా నిలుస్తారు.