"సంక్రాంతికి వస్తున్నాం"కి అదిరిపోయే రెస్పాన్స్.. చరణ్.. బాలయ్యకు దమ్కి ఇచ్చేలా ఉందే..?
టాలీవుడ్ ఇండస్ట్రీ లో తనకంటూ ఒక మంచి గుర్తింపును సంపాదించుకున్న సీనియర్ హీరోలలో విక్టరీ వెంకటేష్ ఒకరు. ఈయన కెరియర్ ప్రారంభం నుండి మంచి మంచి కథలను ఎంచుకుంటూ , ఎన్నో విజయాలను అందుకుంటు ఇప్పటికి కూడా తెలుగులో మంచి గుర్తింపు కలిగిన నటుడుగా కెరియర్ను కొనసాగిస్తున్నాడు. ఇకపోతే వెంకటేష్ ఈ సంవత్సరం సంక్రాంతి పండుగ సందర్భంగా సైంధవ్ అనే సినిమాతో ప్రేక్షకుల ముందుకు వచ్చాడు. శైలేష్ కొలను దర్శకత్వంలో రూపొందిన ఈ సినిమాలో శ్రద్ధ శ్రీనాథ్ హీరోయిన్గా నటించగా ... స్టైలిష్ యాక్షన్ ఎంటర్టైనర్ మూవీ గా రూపొందిన ఈ సినిమా మంచి అంచనాల నడుమ విడుదల అయిన ప్రేక్షకులను మాత్రం ఆకట్టుకోలేదు.
ఇకపోతే ప్రస్తుతం వెంకటేష్ "సంక్రాంతికి వస్తున్నాం" అనే సినిమాలో హీరోగా నటిస్తున్నాడు. అనిల్ రావిపూడి దర్శకత్వంలో రూపొందుతున్న ఈ సినిమాలో ఐశ్వర్య రాజేష్ , మీనాక్షి చౌదరి హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ మూవీ కి బీమ్స్ సంగీతం అందిస్తున్నాడు. ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 14 వ తేదీన విడుదల చేయనున్నట్లు మేకర్స్ ప్రకటించారు. ఇకపోతే ఈ సినిమాకు బుక్ మై షో ఆప్ లో ప్రేక్షకుల నుండి అద్భుతమైన రెస్పాన్స్ లభిస్తుంది. ఇప్పటికే ఈ సినిమాకు బుక్ మై షో ఆప్ లో 150 కే ఇంట్రెస్ట్ లు లభించాయి.
ఈ సంవత్సరం సంక్రాంతి పండక్కి రామ్ చరణ్ హీరోగా రూపొందిన గేమ్ చేంజర్ , బాలయ్య హీరోగా రూపొందిన డాకు మహరాజ్ సినిమాలు విడుదల కానున్నాయి. ఈ రెండు సినిమాలకు సంక్రాంతికి వస్తున్నాం సినిమా పెద్దగా పోటీ ఇవ్వదు అని చాలా మంది అనుకున్నారు. ఇక బుక్ మై షో లో ఈ సినిమాకు వస్తున్న రెస్పాన్స్ ను బట్టి చూస్తే ఈ మూవీ చరణ్ , బాలయ్య సినిమాలకు గట్టి పోటీ ఇచ్చే విధంగా ఉంది అని కొంత మంది అభిప్రాయ పడుతున్నారు.