చరణ్.. కాజల్ కాంబోలో లాంచ్ అయ్యి ఆగిపోయిన మూవీ ఏదో తెలుసా..?
మెగా పవర్ స్టార్ రామ్ చరణ్ హీరోగా కాజల్ అగర్వాల్ హీరోయిన్గా ఎస్ ఎస్ రాజమౌళి దర్శకత్వంలో మగధీర అనే సినిమా వచ్చిన విషయం మన అందరికీ తెలిసిందే. ఈ సినిమా అప్పటివరకు ఏ తెలుగు సినిమా వసూలు చేయని కలెక్షన్లను వసూలు చేసి ఏకంగా టాలీవుడ్ ఇండస్ట్రీ హిట్ గా నిలిచింది. దానితో ఒక్క సారిగా చరణ్ క్రేజ్ అమాంతం పెరిగిపోయింది. అలాగే ఈ మూవీ తో కాజల్ అగర్వాల్ కి కూడా సూపర్ సాలిడ్ గుర్తింపు తెలుగు సినీ పరిశ్రమంలో వచ్చింది. ఇక మగధీర మూవీ లో వీరిద్దరి జంటకు కూడా ప్రేక్షకుల నుండి , విమర్శకుల నుండి అద్భుతమైన ప్రశంసలు దక్కాయి. ఇక మగధీర లాంటి బ్లాక్ బస్టర్ విజయం తర్వాత వీరి కాంబోలో ఓ సినిమా అధికారికంగా ప్రారంభం అయ్యి ఆగిపోయింది. ఆ సినిమా ఏదో తెలుసా .? ఆ వివరాలను తెలుసుకుందాం.
మగధీర లాంటి బ్లాక్ బస్టర్ మూవీ తర్వాత రామ్ చరణ్ హీరోగా కాజల్ అగర్వాల్ హీరోయిన్గా తమిళ దర్శకుడు ధరణి దర్శకత్వంలో మెరుపు అనే టైటిల్ తో ఓ మూవీ లాంచింగ్ కూడా అయింది. ఇక దానితో ఈ సినిమా ఆ తర్వాత స్టార్ట్ కావడం , ఆ తర్వాత విడుదల కావడం చక చక జరిగిపోతుంది అని చరణ్ అభిమానులు అనుకున్నారు. కానీ ఆ తర్వాత ఏమైందో ఏమో తెలియదు కానీ ఈ మూవీ ఆగిపోయింది. ఈ సినిమా ఆగిపోయిన చరణ్ , కాజల్ కాంబోలో నాయక్ , గోవిందుడు అందరివాడేలే సినిమాలు వచ్చాయి. రెండు సినిమాలలో నాయక్ సినిమా బాక్స్ ఆఫీస్ దగ్గర మంచి కలెక్షన్ లను వసూలు చేసి కమర్షియల్ విజయాన్ని అందుకుంది. ఇక గోవిందుడు అందరివాడేలే సినిమా మాత్రం పెద్దగా ప్రేక్షకుల ను ఆకట్టుకోలే దు.