రష్మిక.. శ్రీ లీల : చెన్నై ఈవెంట్ కి గ్లామర్.. ఒక్కొక్కరు ఒక్కో రకంగా కట్టిపడేశారు..?
ప్రస్తుతం తెలుగు సినీ పరిశ్రమలో అద్భుతమైన జోష్లో కెరియర్ను కొనసాగిస్తున్న వారిలో రష్మిక మందన , శ్రీ లీల ముందు వరుసలో ఉన్నారు. ఇక రష్మిక "ఛలో" అనే సినిమాతో తెలుగు తెరకు పరిచయం అయ్యి వరుస విజయాలను అందుకొని ప్రస్తుతం తెలుగు సినీ పరిశ్రమలో స్టార్ హీరోయిన్లలో ఒకరిగా కెరీర్ను కొనసాగిస్తుంది. ఇక శ్రీ లీల , రోషన్ హీరోగా రూపొందిన పెళ్లి సందD అనే సినిమాతో తెలుగు తెరకు పరిచయం అయ్యి మొదటి సినిమాలోనే తన అందాలతో , నటనతో , డాన్స్ తో ప్రేక్షకులను కట్టిపడేసింది. దానితో ఈమెకు కూడా వరుస పెట్టి తెలుగు సినిమాలలో అవకాశాలను దక్కించుకుంటుంది.
దానితో వీరిద్దరు కూడా ప్రస్తుతం ఫుల్ జోష్లో కెరియర్ను ముందుకు సాగిస్తున్నారు. ఇకపోతే ప్రస్తుతం అల్లు అర్జున్ హీరోగా సుకుమార్ దర్శకత్వంలో పుష్ప పార్ట్ 2 మూవీ రూపొందుతున్న విషయం మనకు తెలిసిందే. ఈ సినిమాలో రష్మిక మందన హీరోయిన్గా నటిస్తోంది. ఈ మూవీ లో శ్రీ లీల ఓ స్పెషల్ సాంగ్ లో కనిపించబోతుంది. కొన్ని రోజుల క్రితమే ఈ బ్యూటీ కి సంబంధించిన స్పెషల్ సాంగ్ ను షూట్ చేశారు. ఇక ఈ మూవీ ని ఈ సంవత్సరం డిసెంబర్ 5 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో నిన్న రాత్రి ఈ మూవీ బృందం వారు చెన్నై లో పెద్ద ఎత్తున ఓ ఈవెంట్ ను నిర్వహించారు. అందులో భాగంగా శ్రీ లీల ఈ సినిమాలో చేసిన స్పెషల్ సాంగ్ ను మేకర్స్ విడుదల చేశారు.
ఇకపోతే చెన్నైలో ఈ మూవీ బృందం వారు నిర్వహించిన ఈవెంట్ కు అల్లు అర్జున్ తో పాటు రష్మిక మందన , శ్రీ లీల కూడా వచ్చారు. ఇక రష్మిక , శ్రీ లీల ఇద్దరు కూడా ఈ ఈవెంట్ కి అదిరిపోయే లుక్ లో ఉన్న చీరలను కట్టుకొని సూపర్ లుక్ లో వచ్చారు. దానితో ఈ ఈవెంట్లో వీరిద్దరు కూడా స్పెషల్ అట్రాక్షన్ గా నిలిచారు. ప్రస్తుతం ఈ ఇద్దరు బ్యూటీలకు సంబంధించిన ఈ ఈవెంట్ ఫోటోలు సూపర్ గా సోషల్ మీడియాలో వైరల్ అవుతున్నాయి.