మల్టీ నేషనల్ కంపెనీలో జాబ్ వదిలేసి యాక్టింగ్ చేసిన సినిమాలన్నీ హిట్లు.. ఈ లక్కీ హీరోయిన్ ఎవరో గుర్తుపట్టారా..!
సినీ ఇండస్ట్రీలో స్టార్ హీరోయిన్లుగా ఎదగాలంటే అందం, అభినయంతో పాటు.. కాస్తో కూస్తే అదృష్టం కూడా ఉండాలి. ఎంత టాలెంట్ ఉన్నా అదృష్టం లేకపోతే సినీ ఇండస్ట్రీలో సరైన అవకాశాలు రావన‌టానికి ఇప్పటికే ఎంతోమంది నిదర్శనాలుగా నిలిచారు. ఈ క్రమంలోనే ఒకటి, రెండు సినిమాలతో టాలీవుడ్ నుంచి చెక్కేసి ఇతర ఇండస్ట్రీలో అవకాశాలను దక్కించుకుంటూ నటిస్తూ స్టార్ హీరోయిన్గా మారిన వారు ఎంతోమంది ఉన్నారు. ఈ పై ఫోటోలో కనిపిస్తున్న హీరోయిన్ కూడా అదే లిస్టులోకి చేరుతుంది. రాయలసీమలో పుట్టి పెరిగిన ఈ ముద్దుగుమ్మ.. తన అందం, అభినయంతో మెప్పించింది. తెలుగులో నటించిన రెండు సినిమాలతో బ్లాక్ బస్టర్లు అందుకుంది. కానీ.. అదృష్టం లేదు. దీంతో సినిమా అవకాశాల కోసం ఎదురుచూసి.. చూసి.. చివరకు క్యామియో రోల్స్ నటించడానికి కూడా ఓకే చెప్పి నటించాల్సిన పరిస్థితి ఏర్పడింది.
ఈ క్రమంలోనే ప్రస్తుతం క్యారెక్టర్ ఆర్టిస్ట్ గా పలు సినిమాల్లో నటిస్తుంది. ఇంతకీ ఈ క్రేజీ హీరోయిన్ మీరు గుర్తుపట్టారా.. కాస్త కష్టమే లేండి.. అయితే మేమే చెప్పేస్తాం. ఈ హీరోయిన్ మరెవరో కాదు ప్రియాంక జువాల్కర్. రాయలసీమ.. అనంతపూర్ జిల్లాలో పుట్టిన ఈ ముద్దుగుమ్మ.. మొదట విజయ్ దేవరకొండ సినిమాలో నటించే అవకాశాన్ని కొట్టేసింది. తర్వాత కిర‌న్ అబ్బవరం నటించి మూవీతో మ‌రో బ్లాక్ బస్టర్ తన ఖాతాలో వేసుకుంది. అయితే తర్వాత పెద్దగా అవకాశాలు రాకపోవడంతో ఇండస్ట్రీలో పలు సినిమాల్లో క్యారెక్టర్ ఆర్టిస్ట్ గా నటిస్తూనే మెల్లమెల్లగా అవకాశాలకు దూరమైంది. ఇక ప్రియాంక జ్వల్కర్ మరాఠీ కుటుంబానికి చెందిన అమ్మాయి. హైదరాబాదులో ఫ్యాషన్ డిజైనింగ్ కోర్స్ పూర్తి చేసిన ఈ అమ్మడు ఎమ్మెల్సీ కంపెనీలో జాబ్ కొట్టేసింది.
కొంతకాలం జాబ్ తర్వాత నటనపై ఇంట్రెస్ట్ తో ఆ జాబ్ ను వదులుకొని మరి ఇండస్ట్రీ లోకి ఎంట్రీ ఇచ్చింది. 2016లో కలవరమాయే సినిమాతో హీరోయిన్గా ఎంట్రీ ఇచ్చిన ప్రియాంక.. విజయ్ దేవరకొండతో టాక్సీవాలా సినిమాలోని నటించి ఆకట్టుకుంది. తర్వాత కిరణ్ అబ్బవరం ఎస్ఆర్ కళ్యాణ మండపం సినిమాలో మెప్పించింది. సత్యదేవ్‌తో నటించిన తిమ్మరసు, గమనం సినిమాలు కూడా పాజిటివ్ టాక్ నే తెచ్చుకున్నాయి. అయినప్పటికీ తర్వాత అమ్మడికి హీరోయిన్ అవకాశాలు రాక‌వడంతో టిల్లు స్క్వేర్ లాంటి బ్లాక్ బస్టర్ సినిమాల్లో చిన్న పాత్రలో కనిపించింది. భగవంత్‌ కేసరి సినిమాలోని ఓ కీ రోల్‌లో మెరిసింది. మొదట హీరోయిన్ మెటీరియల్ గా ఉన్న ఈ అమ్మడు.. ప్రస్తుతం చిన్న చిన్న పాత్రల్లోనే చేస్తూ ఇండస్ట్రీలో రాణించడానికి ప్రయత్నిస్తుంది. అయితే ప్రస్తుతం ప్రియాంకకు ఆ అవకాశాలు కూడా క‌రువ‌య్యాయి.