మళ్లీ షాక్ ఇస్తున్న రాజమౌళి.. మహేష్ సినిమా అంతే పని..!
పాన్ ఇండియా లెవెల్లో నెంబర్ 1 స్టార్ డైరెక్టర్ గా దూసుకుపోతున్న దర్శక ధీరుడు రాజమౌళికి.. సినిమాలపై ఎలాంటి ప్రేమ ఉందో ప్రత్యేకంగా చెప్పాల్సిన అవసరం లేదు. ఆయన తెర‌కెక్కించే సినిమా ఏదైనా సరే.. పర్ఫెక్ట్ బౌండ్‌ స్క్రిప్ట్ సిద్ధమైన తర్వాతే.. సెట్స్‌పైకి తీసుకెళ్తాడు. ఈ క్రమంలోనే టాలీవుడ్ సూపర్ స్టార్ మహేష్ బాబు తో.. రాజమౌళి ఓ పాన్ వరల్డ్ సినిమా తెరకెక్కించడానికి సిద్ధమవుతున్న సంగతి తెలిసిందే. అత్యంత భారీ బడ్జెట్ తో రూపొందనున్న ఈ సినిమా ఇప్పటికే మొదలవ్వాల్సింది. కానీ.. పర్ఫెక్ట్ బౌండెడ్ స్క్రిప్ట్ కోసం ఇంతకాలం తీసుకున్న జ‌క్కన.. త్వరలోనే ఈ సినిమా సెట్స్ పైకి తీసుకువచ్చే అవకాశాలు ఉన్నాయని టాక్ వినిపించింఇ. ఈ క్రమంలోనే మరి కొద్ది రోజుల్లో సినిమా కాస్టింగ్ అలాగే స్క్రిప్ట్ కు సంబంధించిన ఇంట్రెస్టింగ్ అప్డేట్స్ బయటకు వస్తాయని అంతా భావించారు.
కానీ.. ఇప్పుడు జక్కన్న మరో పనిలో బిజీ అయినట్లు తెలుస్తుంది. ఈ క్రమంలోనే మహేష్ తో సినిమాకు మరికాస్త సమయం పడుతుందని టాక్. కాగా నిన్నమొన్న‌టి వరకు లాంగ్ హెయిర్, గడ్డంతో కనిపించిన మహేష్.. ఇప్పుడు మొత్తం లుక్ ను మార్చేసి సరికొత్తగా ఆకట్టుకుంటున్నాడు. తాజాగా కీరవాణి కొడుకు.. శ్రీ సింహ కోడూరి ఫ్రీ వెడ్డింగ్ వేడుక ఘనంగా జరిగిన సంగతి తెలిసిందే హైదరాబాద్ గోల్కొండ రిసార్ట్స్ లో జరిగిన ఈ వేడుకలో మహేష్ మెరిసి సందడి చేశారు. ఇటీవల హీరోగా తన కెరీర్ను ప్రారంభించిన శ్రీ సింహ కోడూరి.. మురళీమోహన్ మనవరాలు రాగ మాగంటిని వివాహం చేసుకోనున్నాడు. ఈ ఏడాది డిసెంబర్ 14న యూఏఈ లోని రాస్ ఆల్ థీమాలో గ్రాండ్గా వీరి వివాహం జరగనుంది.
అక్కడే వారం రోజుల పాటు పెళ్లికి సంబంధించిన అన్ని కార్యక్రమాలను పూర్తిచేసుకుని.. ఇండియాకు వచ్చిన వెంటనే రిసెప్షన్ జరిపే అవకాశం ఉందట. అటు మురళీమోహన్ తో పాటు.. ఇటు రాజమౌళి తరఫున సినీ ప్రముఖులు, రాజకీయ నాయకులు ఎంతో మంది ఈవెంట్ కు హాజరు కానున్నారని.. రాజమౌళి పెళ్లి హడావిడిలో ఇప్పట్లో సినిమా గురించి ఆలోచించడం సాధ్యం కాదు. కనుక.. రాజమౌళి హడావిడి అంత పూర్తయిన తర్వాత మహేష్ ప్రాజెక్ట్ ను వచ్చే ఏడాది సంక్రాంతి తర్వాత సెట్స్ పైకి తీసుకువెళ్లాలని ప్లాన్ చేస్తున్నారని సమాచారం. ఇక రాజమౌళి తీసుకున్న బ్రేక్ సమయంలోను మహేష్ మరి ఏదైనా సినిమాలో నటించడానికి కుదరదు. దీంతో ప్రస్తుతం మహేష్ మౌనంగా ఎదురు చూడాల్సిందే.