ప్రభాస్ 'స్పిరిట్' రిలీజ్ అప్పుడే.. నిర్మాత ఇంట్రెస్టింగ్ కామెంట్స్..!!
పాన్ ఇండియా స్టార్ ప్రభాస్ ప్రస్తుతం వరుస సినిమాలు చేస్తూ దూసుకుపోతున్నాడు.. గత ఏడాది డిసెంబర్ లో రిలీజ్ అయిన సలార్ సినిమాతో ప్రభాస్ సూపర్ హిట్ అందుకున్నాడు.. అప్పటి వరకు వరుస ప్లాప్స్ తో ఇబ్బంది పడుతున్న ప్రభాస్ కి సలార్ సినిమా భారీ ఊరటను ఇచ్చింది.. ఈ ఏడాది స్టార్ డైరెక్టర్ నాగ్ అశ్విన్ డైరెక్షన్ లో ప్రభాస్ నటించిన “కల్కి 2898AD” సినిమా రిలీజ్ అయింది.. ఈ సినిమా ప్రభాస్ కెరీర్ లోనే భారీ విజయం సాధించింది.. ఏకంగా 1000 కోట్లకు పైగా కలెక్షన్స్ రాబట్టి ప్రభాస్ రేంజ్ మరింత పెంచింది.. త్వరలోనే ఈ సినిమా సీక్వెల్ కూడా తెరకెక్కనుంది.. ఇప్పటికే నాగ్ అశ్విన్ స్క్రిప్ట్ సైతం సిద్ధం చేసాడు.. ప్రస్తుతం ప్రభాస్ తెలుగు స్టార్ డైరెక్టర్ మారుతీ డైరెక్షన్ లో “రాజాసాబ్” సినిమా చేస్తున్నాడు.. తాజాగా ఈ సినిమా నుంచి మేకర్స్ రిలీజ్ చేసిన ఫస్ట్ లుక్ అదిరిపోయింది..
హారర్ కామెడి జోనర్ లో తెరకెక్కుతున్న ఈ మూవీ కోసం ప్రేక్షకులను ఎంతగానో ఎదురుచూస్తున్నారు.. హాట్ బ్యూటీస్ మాళవిక, నిధి అగర్వాల్ హీరోయిన్స్ గా నటిస్తున్న ఈ సినిమాను మేకర్స్ వచ్చే ఏడాది ఏప్రిల్ లో రిలీజ్ చేసేందుకు ప్లాన్ చేస్తున్నారు..
ఇదిలా ఉంటే ప్రభాస్ లైనప్ లో భారీ సినిమాలే వున్నాయి.. వాటిలో ఇప్పుడు చెప్పుకునే బిగ్గెస్ట్ మూవీ ‘స్పిరిట్’.. యానిమల్ ఫేమ్ సందీప్ రెడ్డి వంగా డైరెక్షన్ లో ప్రభాస్ నటిస్తున్న బిగ్గెస్ట్ మాస్ మూవీ “స్పిరిట్”.. ఈ సినిమాలో ప్రభాస్ పవర్ ఫుల్ కాప్ గా కనిపించనున్నాడు.. ఈ సినిమా కోసం ప్రభాస్ ఫ్యాన్స్ ఎంతగానో ఎదురు చూస్తున్నారు..తాజాగా ఈ సినిమాపై నిర్మాత భూషణ్ కుమార్ ఇంట్రెస్టింగ్ కామెంట్స్ చేసారు..స్పిరిట్ మూవీ కోసం ఎంతో ఆత్రుతగా ఎదురుచూస్తున్నాను..ప్రస్తుతం ఈ సినిమా స్క్రిప్ట్ పూర్తి చేసేందుకు సందీప్ శ్రమిస్తున్నారు..డిసెంబర్ లో ముహూర్తపు షార్ట్ తీసి 2025 జనవరి నుంచి రెగ్యులర్ షూటింగ్ మొదలు పెడుతున్నట్లు తెలిపారు..2026 మిడిల్ లో ఈ సినిమాను రిలీజ్ చేయనున్నట్లు నిర్మాత భూషణ్ కుమార్ తెలిపారు..