శ్రీనువైట్ల : పవర్ స్టార్ అలాంటి కథ అడిగారు.. అందుకే మా కాంబో సెట్ కాలేదు..!!
తెలుగు ఇండస్ట్రీలో శ్రీను వైట్ల స్టార్ డైరెక్టర్ గా ఓ వెలుగు వెలిగాడు.. శ్రీను వైట్ల తన కెరీర్ లో ఎక్కువమంది స్టార్ హీరోలతో పనిచేసారు.నేటి తరం స్టార్ హీరోస్ మాత్రమే కాకుండ సీనియర్ స్టార్ హీరోస్ తో కూడా పనిచేసిన ఘనత శ్రీనువైట్లకే దక్కుతుంది..టాలీవుడ్ స్టార్ డైరెక్టర్స్ అయిన త్రివిక్రమ్ శ్రీనివాస్, పూరి జగన్నాథ్ లాంటి దర్శకులు మెగాస్టార్ తో సినిమా చేయాలని ఎంతగానో ఎదురుచూసారు..వారెవరికి దక్కని అరుదైన అవకాశం కూడా శ్రీనువైట్లకి దక్కింది.శ్రీను వైట్ల మెగాస్టార్ తో అందరివాడు సినిమా చేసాడు.. తన సినిమాలలో మాస్ అండ్ యాక్షన్ తో పాటు ప్రేక్షకుడిని కడుపుబ్బా నవ్వించే ఎంటర్టైన్మెంట్ పక్కా ఉంటుంది..శ్రీను వైట్ల కెరీర్లో ఎన్నో సూపర్ హిట్ మూవీలు వున్నాయి.శ్రీను వైట్ల కెరియర్ లో ఆల్ టైం ఇండస్ట్రీ హిట్ గా నిలిచిన సినిమా దూకుడు. మహేష్ బాబు కెరీర్ లోనే దూకుడు సినిమా బిగ్గెస్ట్ హిట్ గా నిలిచింది..
అయితే దూకుడు తరువాత శ్రీను వైట్ల ఆ రేంజ్ హిట్ మాత్రం అందుకోలేకపోయాడు.. రొటీన్ కథ, కామెడీ సీన్స్ తో శ్రీనువైట్ల ప్రస్తుతం బోర్ కొట్టిస్తున్నాడు.. అందుకే హీరోలు ఆయన్ని దూరం పెడుతున్నారు..అయితే అందరూ స్టార్ హీరోలతో సినిమా చేసిన శ్రీనువైట్ల పవర్ స్టార్ తో సినిమా మిస్ చేసుకున్న సంగతి బాగా వైరల్ అవుతుంది... హరీష్ శంకర్ దర్శకత్వంలో పవన్ కళ్యాణ్ నటించిన గబ్బర్ సింగ్ సినిమా ఆడియో లాంచ్ ఈవెంట్ కు హాజరయిన శ్రీను వైట్ల మాట్లాడుతూ పవన్ కళ్యాణ్ గారితో నేను ఎప్పటి నుంచో సినిమా చేయడానికి ట్రై చేస్తున్నాను ఆ విషయం ఆయన కూడా తెలుసు అంటూ చెప్పుకొచ్చారు. అయితే పవన్ కళ్యాణ్ కి వాస్తవంగా శ్రీను వైట్ల కొన్ని సంవత్సరాల క్రితం ఒక కథను చెప్పారట..ఆ కథ కూడా తనదైన కామెడీ జోనర్ లోనే ఉంటుందట..అయితే పవన్ కళ్యాణ్ ఆ కథను విన్నప్పుడు తనకొక సోషల్ మెసేజ్ ఉన్న కథ కావాలి అని అడగడంతో ఆ ప్రాజెక్ట్ సెట్ కాలేదని సమాచారం..అలా వీరి కాంబోలో సినిమా మిస్ అయింది..