తెలుగులో జోష్ చూపిస్తున్న ఇతర భాష హీరోలు వీరే.. మన హీరోలకి కొత్త టార్గెట్లు..?
ఈ మధ్య కాలంలో టాలీవుడ్ ఇండస్ట్రీ లో ఇతర భాష హీరోలా జోష్ పెరిగిపోతూ వస్తుంది . మొదట వారు నటించిన డబ్బింగ్ సినిమాలను తెలుగులో విడుదల చేస్తూ వాటితో మంచి విజయాలను అందుకుంటు టాలీవుడ్ ఇండస్ట్రీ లో మంచి క్రేజ్ ను సంపాదించుకుంటున్న కొంత మంది హీరోలు ఆ తదుపరి నేరుగా తెలుగు సినిమాల్లోనే నటించడా నికి ఆసక్తిని చూపిస్తున్నారు. ఈ మధ్య కాలంలో ఈ లిస్టు భారీగా పెరిగిపోతుంది . ఇకపోతే కోలీవుడ్ నటు లలో ఒకరు అయినటువంటి ధనుష్ తాను నటించిన ఎన్నో తమిళ సినిమాలను మొదట తెలుగు లో విడుదల చేశాడు . వాటి ద్వారా ఈయన మంచి విజయాలను తెలుగులో అనుకొని మంచి క్రేజ్ ను సంపాదించుకున్నాడు.
ఆ తర్వాత వరుస పెట్టి తెలుగు సినిమాల్లో నటిస్తున్నాడు. కొంత కాలం క్రితం ఈయన సార్ అనే తెలుగు మూవీలో నటించి మంచి విజయాన్ని అందుకున్నాడు. ప్రస్తుతం కుబేర అనే మరో తెలుగు సినిమాలో హీరో గా నటిస్తున్నాడు. ఇక దుల్కర్ సల్మాన్ తెలుగు లో వరస పెట్టి విజయాలను అందుకుంటున్నాడు. మొదటగా ఈయన మహానటి ఆ తర్వాత సీత రామం తాజాగా లక్కీ భాస్కర్ సినిమాలతో మూడు విజయాలను తెలుగులో అందుకున్నాడు. ఇకపోతే కన్నడ నటుడు రిషబ్ శెట్టి కొంత కాలం క్రితం కాంతారా అనే సినిమాలో హీరోగా నటించి , ఆ మూవీకి దర్శకత్వం వహించిన విషయం మనకు తెలిసిందే.
ఈ సినిమాను తెలుగులో విడుదల చేయగా ఈ మూవీ మంచి విజయాన్ని అందుకుంది. ఈ సినిమా ద్వారా ఈయనకు తెలుగు లో మంచి గుర్తింపు వచ్చింది. ఇకపోతే ఈయన తెలుగులో జై హనుమాన్ అనే సినిమాలో నటించబోతున్నాడు. ఇలా రోజు రోజుకు తెలుగులో నటించడానికి ఆసక్తి చూపిస్తున్న హీరోల సంఖ్య పెరిగిపోతుంది.