భారీ నిడివితో గేమ్ చేంజర్ టీజర్.. ఏకంగా ట్రైలర్ ని తలపించేలా..?
మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరో గా నటించిన విషయం మన అందరికీ తెలిసిందే. ఈ సినిమాలో మోస్ట్ బ్యూటిఫుల్ అండ్ వెరీ టాలెంటెడ్ నటిమని కియార అద్వానీ హీరోయిన్గా నటించగా ... అంజలి , శ్రీకాంత్ , సునీల్ , నవీన్ చంద్ర ఈ మూవీ లో ముఖ్య పాత్రలలో కనిపించబోతున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ మూవీ ని నిర్మించగా ... ఎస్ ఎస్ తమన్ ఈ సినిమాకు సంగీతం అందించాడు. ఎస్ జె సూర్య ఈ మూవీ లో విలన్ పాత్రలో కనిపించబోతున్నాడు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ఈ మూవీ టీజర్ను నవంబర్ పదవ తేదీన విడుదల చేయనున్నట్లు మేకర్స్ కొన్ని రోజుల క్రితమే అధికారికంగా ప్రకటించారు. ఇకపోతే ఇప్పటికే ఈ సినిమా టీజర్ కు సంబంధించిన అన్ని పనులు పూర్తి అయినట్లు తెలుస్తోంది. ఇప్పటికే ఈ టీజర్ కాట్ ను పూర్తి చేసి నవంబర్ 9 వ తేదీన విడుదల చేయడానికి మేకర్స్ రెడీగా ఉన్నట్లు తెలుస్తోంది. ప్రస్తుతం అందుతున్న సమాచారం ప్రకారం ఈ టీజర్ రన్ టైమ్ చాలా ఎక్కువగా ఉండబోతున్నట్లు తెలుస్తోంది.
ఆల్మోస్ట్ రెండు నిమిషాలకు కాస్త తక్కువ నిడివి తో ఈ టీజర్ ను ప్రేక్షకుల ముందుకు మేకర్స్ తీసుకురానున్నట్లు తెలుస్తోంది. ఆల్మోస్ట్ ట్రైలర్ రన్ టైమ్ తో ఈ మూవీ టీజర్ ప్రేక్షకుల ముందుకు రాబోతున్నట్టు తెలుస్తుంది. ఈ మూవీ టీజర్ పై చరణ్ అభిమానులతో పాటు మామూలు ప్రేక్షకులు కూడా మంచి అంచనాలు పెట్టుకున్నారు. మరి ఈ సినిమా టీజర్ ప్రేక్షకులను ఏ స్థాయిలో ఆకట్టుకుంటుందో తెలియాలి అంటే మరికొన్ని రోజులు వేచి చూడాల్సిందే. ప్రస్తుతానికి ఈ సినిమాపై భారీ అంచనాలు ప్రేక్షకుల్లో ఉన్నాయి.