NBK 109 : క్లైమాక్స్ షూటింగ్ అప్పటినుండి షురూ.. ఎన్ని రోజులో తెలుసా..?
టాలీవుడ్ సీనియర్ స్టార్ హీరోలలో ఒకరు అయినటువంటి నందమూరి నట సింహం బాలకృష్ణ గురించి ప్రత్యేక పరిచయం అవసరం లేదు. బాలకృష్ణ ఈ మధ్య కాలంలో వరుస విజయాలతో ఫుల్ జోష్లో దూసుకుపోతున్నాడు. కొంత కాలం క్రితం అఖండ సినిమాతో అదిరిపోయే రేంజ్ విజయాన్ని సొంతం చేసుకున్న బాలయ్య ఆ తర్వాత వీర సింహా రెడ్డి , భగవంత్ కేసరి మూవీ లతో కూడా బ్లాక్ బస్టర్ విజయాలను అందుకొని ఆ ఫామ్ ను అలాగే కంటిన్యూ చేస్తూ వస్తున్నాడు. ఇకపోతే ప్రస్తుతం బాలయ్య , బాబీ దర్శకత్వంలో సితార ఎంటర్టైన్మెంట్ బ్యానర్ పై లో రూపొందుతున్న సినిమాలో హీరో గా నటిస్తున్నాడు.
ఈ సినిమాకి మేకర్స్ టైటిల్ ను ఫిక్స్ చేయకపోవడంతో ఈ మూవీ ని ఎన్బికె 109 అనే వర్కింగ్ టైటిల్ తో మేకర్స్ పూర్తి చేస్తూ వస్తున్నారు. ఈ సినిమా షూటింగ్ ఇప్పటికే చివరి దశకు చేరినట్లు తెలుస్తోంది. ఇకపోతే ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి నెలలో విడుదల చేయనున్నట్లు ఈ మూవీ బృందం వారు ప్రకటించారు. కానీ ఏ తేదీన విడుదల చేయబోతున్నారు అనే విషయాన్ని మాత్రం అధికారికంగా ప్రకటించలేదు. ఈ మూవీ బృందం వారు ఈ సినిమాను వచ్చే సంవత్సరం జనవరి 9 లేదా 12 వ తేదీల్లో విడుదల చేసే ఆలోచనలో ఉన్నట్లు ఓ వార్త వైరల్ అవుతుంది.
ఇది ఇలా ఉంటే ప్రస్తుతం అందుతున్న సమాచారం ప్రకారం నవంబర్ 13 వ తేదీ నుండి ఈ సినిమాకు సంబంధించిన క్లైమాక్స్ షూటింగ్ స్టార్ట్ కాబోతున్నట్లు తెలుస్తోంది. ఈ క్లైమాక్స్ షూటింగ్ నవంబర్ 13 నుండి 19 వ తేదీ వరకు తెరకెక్కించబోతున్నట్లు సమాచారం. ఈ సినిమాపై ప్రస్తుతానికి బాలయ్య అభిమానుల్లో అత్యంత భారీ అంచనాలు నెలకొని ఉన్నాయి.