వెంకీ పై గంపడాశలు పెట్టుకున్న ఆ బ్యూటీ.. సక్సెస్ అయితే తిరుగులేనట్లే..?
కోలీవుడ్ సినిమాల ద్వారా మంచి గుర్తింపును సంపాదించుకున్న వారిలో ఐశ్వర్య రాజేష్ ఒకరు. ఈ ముద్దుగుమ్మ తమిళ సినిమాల ద్వారా మంచి గుర్తింపును సంపాదించుకొని ఆ తర్వాత తెలుగు సినీ పరిశ్రమలోకి ఎంట్రీ ఇచ్చింది. ఈ నటి భీమినేని శ్రీనివాసరావు దర్శకత్వంలో రూపొందిన కౌసల్య కృష్ణమూర్తి అనే సినిమాతో టాలీవుడ్ ఇండస్ట్రీలోకి ఎంట్రీ ఇచ్చింది. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర పెద్ద స్థాయి విజయాన్ని అందుకోలేదు. కానీ ఈ సినిమాలో ఈమె తన నటనతో ప్రేక్షకులను బాగా ఆకట్టుకోవడంతో ఈ మూవీ తర్వాత ఈమెకు కొన్ని సినిమాలలో అవకాశాలు వచ్చాయి.
ఇక అలా కెరియర్ను ముందుకు సాగిస్తున్న సమయంలో ఈమె టాలీవుడ్ యువ నటుడు విజయ్ దేవరకొండ హీరోగా రూపొందిన వరల్డ్ ఫేమస్ లవర్ సినిమాలో ఓ కీలకమైన పాత్రలో నటించింది. ఈ మూవీ బాక్స్ ఆఫీస్ దగ్గర బోల్తా కొట్టింది. దానితో ఈమెకు కూడా ఈ సినిమా ద్వారా పెద్దగా క్రేజ్ దక్కలేదు. ఇకపోతే ఈమె ప్రస్తుతం సినిమాలతో పాటు వెబ్ సిరీస్లలో కూడా నటిస్తూ వస్తుంది. ఇప్పటివరకు ఈమె తెలుగులో కొన్ని సినిమాల్లో నటించిన ఈమెకు ఏ మూవీ ద్వారా కూడా అదిరిపోయే రేంజ్ విజయం దక్కలేదు. ప్రస్తుతం ఈ నటి విక్టరీ వెంకటేష్ హీరోగా అనిల్ రావిపూడి దర్శకత్వంలో శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న సంక్రాంతికి వస్తున్నాం అనే సినిమాలో హీరోయిన్గా నటిస్తోంది. ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేయనున్నారు.
ఈ సినిమాపై ప్రస్తుతానికి ప్రేక్షకుల్లో భారీ అంచనాలు ఉన్నాయి. ఈ మూవీ కనుక మంచి విజయం సాధించినట్లయితే ఐశ్వర్య రాజేష్ కి తెలుగులో అదిరిపోయే రేంజ్ క్రేజ్ వచ్చే అవకాశాలు చాలా వరకు ఉన్నాయి. అలాగే ఆ తర్వాత భారీ క్రేజ్ ఉన్న సినిమాలలో అవకాశాలు వచ్చే ఛాన్స్ కూడా చాలా వరకు ఉంది. మరి ఈ సినిమాతో ఐశ్వర్య రాజేష్ కి ఎలాంటి విజయం దక్కుతుందో ... ఏ స్థాయి క్రేజ్ వస్తుందో తెలియాలి అంటే మరికొన్ని రోజులు వేచి చూడాల్సిందే.