గేమ్ చేంజర్ కోసం నాలుగు వర్షన్లు.. ఒక్కసారిగా అంచనాలు పిక్స్ కి వెళ్ళనున్నాయా..?
టాలీవుడ్ ఇండస్ట్రీ లో స్టార్ హీరోలలో ఒకరు అయినటువంటి మెగా పవర్ స్టార్ రామ్ చరణ్ గురించి ప్రత్యేక పరిచయం అవసరం లేదు. ఇకపోతే తాజాగా చరణ్ , శంకర్ దర్శకత్వంలో గేమ్ చేంజర్ అనే భారీ బడ్జెట్ సినిమాలో హీరోగా నటించాడు. ఈ సినిమాను శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మించగా ... ఎస్ ఎస్ తమన్ ఈ సినిమాకు సంగీతం అందించాడు. ఈ మూవీ లో చరణ్ కి జోడిగా కియార అద్వానీ నటించగా ... అంజలి , శ్రీకాంత్ , సునీల్ , నవీన్ చంద్ర ఈ మూవీ లో ముఖ్య పాత్రలలో నటించారు. నటుడు మరియు దర్శకుడు అయినటువంటి ఎస్ జె సూర్య విలన్ పాత్రలో కనిపించబోతున్నాడు. ఇకపోతే ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు కొన్ని రోజుల క్రితమే అధికారికంగా ప్రకటించారు.
ఇది ఇలా ఉంటే ఈ సినిమా యొక్క టీజర్ను ఈ సంవత్సరం దీపావళి పండుగ సందర్భంగా విడుదల చేసే అవకాశం ఉన్నట్లు ఓ వార్త వైరల్ అయింది. ఇకపోతే కొన్ని రోజుల క్రితం ఈ సినిమా యొక్క టీజర్ను నవంబర్ 9 వ తేదీన విడుదల చేయనున్నట్లు ఈ మూవీ బృందం వారు అధికారికంగా ప్రకటిస్తూ ఓ పోస్టర్ను కూడా విడుదల చేసింది. ఆ పోస్టర్ అదిరిపోయే రేంజ్ లో ఉండడంతో ఈ మూవీ టీజర్ పై కూడా ప్రేక్షకుల్లో అంచనాలు భారీగా పెరిగిపోయాయి.
ఇకపోతే తాజాగా ఈ మూవీ టీజర్ కు సంబంధించిన ఒక అదిరిపోయే రేంజ్ న్యూస్ వైరల్ అవుతుంది. అసలు విషయం లోకి వెళితే ... ఈ మూవీ టీజర్ కోసం శంకర్ ఏకంగా నాలుగు వర్షన్లను కట్ చేసినట్లు , అందులో ఏది సూపర్ గా అనిపిస్తే దానిని విడుదల చేయబోతున్నట్లు తెలుస్తుంది. ఇలా శంకర్ కేవలం టీజర్ కోసమే నాలుగు వర్షన్లను ఇప్పటికే రెడీ చేసి పెట్టినట్లు ఓ వార్త సోషల్ మీడియాలో వైరల్ అవుతుంది.