అందుకే దిల్ రాజు వెనక్కి తగ్గాడా.. లేదంటే లిస్టులోకి మూడో సినిమా కూడా..?
టాలీవుడ్ ఇండస్ట్రీ లో డిస్ట్రిబ్యూటర్ గా , నిర్మాతగా అద్భుతమైన క్రేజ్ కలిగిన వారిలో దిల్ రాజు ఒకరు. ఈయన ఇప్పటివరకు ఎన్నో సినిమాలను నిర్మించాడు . అలాగే ఎన్ని సినిమాలు డిస్ట్రిబ్యూట్ చేశాడు . ఇకపోతే ఈయన కొన్ని సంవత్సరాల క్రితం శర్వానంద్ హీరోగా అనుపమ పరమేశ్వరన్ హీరోయిన్గా శతమానం భవతి అనే సినిమాను నిర్మించాడు. ఈ మూవీ సంక్రాంతి పండుగ సందర్భంగా విడుదల అయ్యి అద్భుతమైన విజయాన్ని అందుకుంది. ఏకంగా శతమానం భవతి సినిమా చిరంజీవి , బాలకృష్ణ లాంటి స్టార్ హీరోల సినిమాలకి పోటీగా వచ్చి బ్లాక్ బస్టర్ విజయాన్ని సొంతం చేసుకుంది.
ఇకపోతే కొంత కాలం క్రితం దిల్ రాజు "శతమానం భవతి" మూవీ కి కొనసాగింపుగా శతమానం భవతి నెక్స్ట్ పేజ్ అనే సినిమాని వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు అధికారికంగా ప్రకటించాడు. ఇక ఆ తర్వాత ఈ సినిమాకు సంబంధించిన న్యూస్ పెద్దగా బయటకు రాలేదు. ఇది ఇలా ఉంటే వచ్చే సంవత్సరం సంక్రాంతి పండుగ సందర్భంగా దిల్ రాజు నిర్మించిన రెండు సినిమాలు బాక్స్ ఆఫీస్ దగ్గర తలపడబోతున్నాయి. మెగా పవర్ స్టార్ రామ్ చరణ్ హీరోగా శంకర్ దర్శకత్వంలో రూపొందిన గేమ్ చేంజర్ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనుండగా ... వెంకటేష్ హీరోగా అనిల్ రావిపూడి దర్శకత్వంలో రూపొందుతున్న సంక్రాంతికి వస్తున్నాం సినిమాను కూడా వచ్చే సంవత్సరం సంక్రాంతి పండుగ సందర్భంగా విడుదల చేయనున్నారు.
ఇక ఇప్పటికే ఈయన నిర్మాణంలో రూపొందిన రెండు సినిమాలు సంక్రాంతికి విడుదల ఉండడంతో ఆయన శతమానం నెక్స్ట్ పేజ్ మూవీ ని వచ్చే సంవత్సరం సంక్రాంతి భరిలో ఉంచడం లేదు అని పలువురు అభిప్రాయ పడుతున్నారు.