మారిన నాని సినిమాల లైనప్.. లిస్టులోకి కొత్త దర్శకుడు..?
టాలీవుడ్ ఇండస్ట్రీలో అదిరిపోయే రేంజ్ క్రేజ్ ను సంపాదించుకున్న హీరోలలో నాచురల్ స్టార్ నాని ఒకరు. ఈయన ఇప్పటివరకు ఎన్నో సినిమాలలో నటించగా అందులో చాలా శాతం మూవీలు అద్భుతమైన విజయాలను అందుకున్నాయి. దానితో ఈయన తెలుగు సినీ పరిశ్రమలో మంచి గుర్తింపు కలిగిన హీరోగా కెరియర్ను కొనసాగిస్తున్నాడు. ఈ మధ్య కాలంలో నాని దేశ వ్యాప్తంగా క్రేజ్ ను సంపాదించుకోవడం కోసం తాను నటించిన సినిమాలను వరుసగా పాన్ ఇండియా మూవీలుగా ఇతర భాషల్లో కూడా విడుదల చేస్తూ వస్తున్నాడు.
అందులో భాగంగా ఇప్పటికే నాని నటించిన దసరా , హాయ్ నాన్న , సరిపోదా శనివారం సినిమాలను తెలుగు తో పాటు తమిళ్ , కన్నడ , మలయాళ , హిందీ భాషలలో విడుదల చేయగా అవి మంచి విజయాలను అందుకున్నాయి. ఇకపోతే ప్రస్తుతం నాని వరుస సినిమాలను ఓకే చేస్తూ ఫుల్ జోష్లో కెరియర్ను ముందుకు సాగిస్తున్నాడు. నాని ప్రస్తుతం శైలేష్ కొలను దర్శకత్వంలో రూపొందుతున్న హిట్ 3 సినిమాలో హీరోగా నటిస్తున్నాడు. అలాగే దసరా మూవీ దర్శకుడు శ్రీకాంత్ ఓదెలా దర్శకత్వంలో ఓ మూవీ కి ఇప్పటికే కమిట్ అయ్యాడు. ఈ మూవీ షూటింగ్ మరికొన్ని రోజుల్లోనే ప్రారంభం కానుంది.
సుజిత్ దర్శకత్వంలో నాని ఓ మూవీ కి కమిట్ అయినట్లు అప్పట్లో వార్తలు వచ్చాయి. కానీ ఆ సినిమా క్యాన్సిల్ అయింది అని వార్తలు వైరల్ అయ్యాయి. ఇకపోతే ప్రస్తుతం వస్తున్న వార్తల ప్రకారం నాని , సుజిత్ కాంబోలో మూవీ క్యాన్సిల్ కాలేదు అని , కాకపోతే పవన్ తో సుజిత్ చేస్తున్న ఓజీ మూవీ కంప్లీట్ కాగానే వీరిద్దరి కాంబోలో మూవీ స్టార్ట్ అయ్యే అవకాశాలు ఉన్నట్లు తెలుస్తుంది. ఇలా ఇప్పటికే అనేక సినిమాలను నాని లైన్ లో పెట్టినట్లు తెలుస్తుంది.