ఖైదీ 2 కాదు.. టైటిల్ పై లోకేష్ ఇంట్రెస్టింగ్ కామెంట్స్..!!
తమిళ్ స్టార్ హీరో కార్తీ ప్రధాన పాత్రలో నటించిన 'ఖైదీ' సినిమా ఎంతటీ ఘనవిజయం సాధించిందో ప్రత్యేకంగా చెప్పాల్సిన పని లేదు..కార్తీ ఖైదీ సినిమా తమిళంలోనే కాదు తెలుగులో కూడా భారీ విజయం అందుకుంది..ఖైదీ సినిమాకు పోటీగా విజయ్ నటించిన ‘విజిల్’సినిమా రిలీజ్ అయినప్పటికీ కూడా ఖైదీ సినిమాఏకంగా వంద కోట్లకు పైగా వసూళ్లను సాధించి అదరగొట్టింది..అయితే ఖైదీ సినిమా రిలీజ్ కి ముందు ప్రేక్షకులలో అంతగా అంచనాలు లేవు. కానీ రిలీజ్ తర్వాత ప్రేక్షకులు థియేటర్స్ కి ఎగబడ్డారు.ఖైదీ సినిమా ప్రేక్షకులకి ఎంతగా నచ్చింది అంటే లోకేష్ తెరకెక్కించిన తరువాత సినిమా ‘విక్రమ్’లో కూడా ‘ఖైదీ’ రిఫరెన్స్..లు వాడటం జరిగింది. అయితే విక్రమ్ సినిమా కూడా భారీ బ్లాక్ బస్టర్ గా నిలిచింది..
ఇదిలా ఉంటే ‘ఖైదీ’ సినిమాకి సీక్వెల్ ఉంటుందని క్లైమాక్స్ లో లోకేష్ లీడ్ ఇచ్చారు. ఇప్పటికే పలు మార్లు ‘ఖైదీ 2’సినిమాపై దర్శకుడు లోకేష్ కనగరాజ్ స్పందించారు. కానీ కార్తీ ఈ సీక్వెల్ కి రెడీగా లేడు అనే న్యూస్ బాగా వైరల్ అయింది... ‘సత్యం సుందరం’ ప్రమోషన్స్ లో ‘సర్దార్ 2’ సినిమా పూర్తయ్యాక ‘ఖైదీ 2’ చేయబోతున్నట్టు కార్తీ చెప్పుకొచ్చాడు. ప్రస్తుతం లోకేష్ కనగరాజ్ తలైవా రజినీకాంత్ తో ‘కూలీ’ తెరకెక్కిస్తున్నాడు.ఆ సినిమా పూర్తయిన వెంటనే ‘ఖైదీ 2’ ని సెట్స్ పైకి తీసుకెళ్ళనున్నాడు...ఇప్పటికే స్క్రిప్ట్ రెడీ అయ్యింది.షూటింగ్ మొదలుపెట్టడమే ఆలస్యం.. షూటింగ్ మొదలయితే చక చక చిత్రీకరణ జరిపి సాధ్యమైనంత త్వరగా ప్రేక్షకుల ముందుకు తీసుకురావాలని లోకేష్ భావిస్తున్నాడు. ఇక ఈ చిత్రానికి టైటిల్ ‘ఖైదీ 2’ ఉంటుంది అని అంతా అనుకున్నారు. కానీ కాదు. ఈ సినిమా కథ ఢిల్ల్లీ..ఖైదీగా మారకముందు నుంచి మొదలు కానుందట..అందుకోసం ఈ సినిమాకు ‘ఢిల్లీ’ అనే టైటిల్ పెట్టి క్యాప్షన్ గా ‘ఖైదీ 2’ అని పెట్టనున్నట్లు సమాచారం