చరణ్ కు జంటగా చందమామ.. ప్రేక్షకులలో ఈ కాంబినేషన్ కు వున్న క్రేజే వేరబ్బా..!!
*మగధీర మూవీతో చరణ్ కు లక్కీ హీరోయిన్ గా మారిన కాజల్
* వీరిద్దరూ కలిసి నటించిన ప్రతి సినిమా సూపర్ హిట్
*ఈ క్యూట్ పెయిర్ కి ఆడియన్స్ లో సూపర్ రెస్పాన్స్..!!
గ్లోబల్ స్టార్ రాంచరణ్, టాలీవుడ్ చందమామ కాజల్ జంటకు ప్రేక్షకులలో ఎంత క్రేజ్ వుందో ప్రత్యేకంగా చెప్పాల్సిన పని లేదు..దర్శకధీరుడు రాజమౌళి తెరకెక్కించిన మగధీర సినిమాతో వీరిద్దరూ మొదటిసారి కలిసి నటించారు.. ఆ సినిమాలో వీరి జంటకు ప్రేక్షకులు ఫిదా అయ్యారు.. కాలభైరవగా రాంచరణ్ యాక్షన్ అలాగే యువరాణి మిత్రవిందగా కాజల్ నటన ప్రేక్షకులను కట్టిపడేసింది.. మగధీర మూవీ ఎన్ని రికార్డులు బ్రేక్ చేసిందో ప్రత్యేకంగా చెప్పాల్సిన పని లేదు.. అంతేకాదు ఈ సినిమాతో కాజల్, రాంచరణ్ ఇద్దరూ కూడా తమ కెరీర్ లో ఫస్ట్ బిగ్గెస్ట్ బ్లాక్ బస్టర్ హిట్ అందుకున్నారు.. ఈ సినిమాతో ఈ జంటకు హిట్ పెయిర్ గా మంచి గుర్తింపు లభించింది.. మగధీర సినిమా తరువాత కాజల్, రాంచరణ్ జంటగా ‘మెరుపు’ అనే సినిమా మొదలైంది.. కానీ కొన్ని కారణాలతో ఆ సినిమా ముందుకు సాగలేదు.. దీనితో ఫ్యాన్స్ బాగా హర్ట్ అయ్యారు.. కానీ టాలీవుడ్ మాస్ డైరెక్టర్ వి.వి. వినాయక్ డైరెక్షన్ లో వచ్చిన ‘నాయక్’ సినిమాలో వీరిద్దరూ మరోసారి కలిసి నటించారు..
ఆ సినిమాలో కాజల్ తో పాటు చరణ్ కు జోడిగా తమిళ్ హాట్ బ్యూటీ అమలాపాల్ కూడా నటించింది.. ఈ సినిమాలో వచ్చే ప్రతి సాంగ్ ప్రేక్షకులకు పిచ్చ పిచ్చగా నచ్చేసాయి.. నాయక్ సినిమాతో కూడా కాజల్, రాంచరణ్ మరో బ్లాక్ బస్టర్ హిట్ అందుకున్నారు.. ఆ తరువాత ఈ జంట కృష్ణవంశీ డైరెక్షన్ లో వచ్చిన ‘గోవిందుడు అందరివాడేలే ‘ సినిమాతో మళ్ళీ తెరపై కనిపించారు.ఆ సినిమాలో కాజల్, చరణ్ మధ్య వచ్చే రొమాంటిక్ సన్నివేశాలు ప్రేక్షకులని ఎంతగానో మెప్పించాయి.. ఈ సినిమా కూడా మంచి విజయం సాధించింది.. ఆ తరువాత రాంచరణ్ వంశీ పైడిపల్లి డైరెక్షన్ లో వచ్చిన ‘ఎవడు’ మూవీలో కాజల్ గెస్ట్ రోల్ లో నటించింది.. ఈ సినిమా కూడ రాంచరణ్ కెరీర్ లో బిగ్గెస్ట్ హిట్ గా నిలిచింది.. దీనితో కాజల్, రాంచరణ్ కలిసి నటిస్తే బ్లాక్ బస్టర్ పక్కా అని ఫ్యాన్స్ ఫిక్స్ అయ్యారు..త్వరలోనే వీరిద్దరి కాంబినేషన్ లో మరో బిగ్గెస్ట్ మూవీ వస్తుందేమో వేచి చూడాలి..