ఆఖరి సినిమా విషయంలో విజయ్ చేస్తున్న రిస్క్ కి టెన్షన్లో ఫ్యాన్స్..?
కోలీవుడ్ ఇండస్ట్రీలో మంచి క్రేజ్ కలిగిన హీరోలలో తళపతి విజయ్ ఒకరు. ఈయన తాజాగా వెంకట్ ప్రభు దర్శకత్వంలో రూపొందిన ది గోట్ అనే సినిమాతో ప్రేక్షకుల ముందుకు వచ్చాడు. ఈ సినిమాలో విజయ్ డ్యూయల్ రోల్ లో నటించాడు. ఈ మూవీ లో విజయ్ ఒక పాత్రలో తండ్రిగానూ , మరొక పాత్రలో కొడుకు గానూ నటించాడు. ఇక ఈ సినిమాలో తండ్రి పాత్రలో నటించిన విజయ్ కి జోడిగా సీనియర్ నటి స్నేహ నటించగా , కొడుకు పాత్రలో నటించిన విజయ్ కి జోడిగా మీనాక్షి చౌదరి నటించింది. సెప్టెంబర్ 5 వ తేదీన విడుదల అయిన ఈ సినిమాకు తమిళనాడు , ఓవర్సీస్ లో భారీ ఎత్తున కలెక్షన్లు దక్కుతున్నాయి.
మిగతా ప్రాంతాల్లో పెద్ద స్థాయి కలెక్షన్లు రావడం లేదు. ఇక ఈ రెండు ఏరియాలలో వస్తున్న కలెక్షన్లతోనే ఈ మూవీ ఆల్మోస్ట్ బ్రేక్ ఈవెన్ ఫార్ములా కు దగ్గరగా వచ్చేసింది. మరో కొన్ని రోజుల్లోనే ఈ సినిమా హిట్ స్టేటస్ ను అందుకునే అవకాశాలు కూడా కనబడుతున్నాయి. ఇది ఇలా ఉంటే ఇప్పటికే విజయ్ ఓ రాజకీయ పార్టీని స్థాపించిన విషయం మన అందరికీ తెలిసిందే. ఎన్నికలకు వెళ్లే ముందు విజయ్ ఆఖరుగా ఓ సినిమా చేయబోతున్నట్లు ప్రకటించాడు. మరికొన్ని రోజుల్లోనే విజయ్ , హెచ్ వినోద్ దర్శకత్వంలో ఓ సినిమా చేయబోతున్నాడు. ఈ సినిమా తర్వాత ఈయన మూవీలకు దూరం అయ్యే అవకాశాలు చాలా వరకు ఉన్నాయి.
ఈ సినిమాకు సంబంధించిన ఓ క్రేజీ న్యూస్ ఫైనల్ అవుతుంది. ఈ సినిమాలో విజయ్ సరసన పూజా హెగ్డే హీరోయిన్గా కనిపించబోతున్నట్లు తెలుస్తోంది. దానితో చాలా మంది విజయ్ , పూజా హెగ్డే కాంబోలో రూపొందిన బీస్ట్ మూవీ ఫ్లాప్ అయ్యింది. అలాగే ఈ ముద్దు గుమ్మ ఈ మధ్య కాలంలో నటించిన సినిమాలు కూడా చాలా వరకు బోల్తా కొట్టాయి. దానితో ఈ బ్యూటీ ని కాకుండా వేరే బ్యూటీ ని హీరోయిన్గా తీసుకుంటే బాగుంటుంది అని పలువురు విజయ్ ఫ్యాన్స్ అభిప్రాయపడుతున్నట్లు తెలుస్తుంది.