ఫస్ట్ సినిమాతో ఫ్లాప్.. సెకండ్ సినిమాతో బ్లాక్ బస్టర్స్ కొట్టిన డైరెక్టర్ వీరే..?
ప్రతి సంవత్సరం ఎంతో మంది దర్శకులు తెలుగు సినీ పరిశ్రమలోకి ఎంట్రీ ఇస్తున్నారు. కొంతమంది దర్శకులు దర్శకత్వం వహించిన మొదటి సినిమాతో బాక్స్ ఆఫీస్ దగ్గర అపజయాలను అందుకున్న ఆ తర్వాత మాత్రం విజయాలను అందుకుంటూ సినీ పరిశ్రమలో మంచి స్థాయికి చేరుకున్న వారు ఉన్నారు. అలా తెలుగు సినీ పరిశ్రమలోకి దర్శకుడిగా ఎంట్రీ ఇచ్చిన మొదటి సినిమాతో అపజయాన్ని అందుకొని ఆ తర్వాత విజయాలతో కెరియర్ను మంచి స్థాయిలో ముందుకు సాగిస్తున్న దర్శకులు ఎవరో తెలుసుకుందాం.
హరీష్ శంకర్ : ఈయన రవితేజ హీరోగా జ్యోతిక హీరోయిన్గా రూపొందిన షాక్ అనే మూవీ తో దర్శకుడిగా కెరియర్ను మొదలు పెట్టాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర బోల్తా కొట్టింది. ఈ మూవీ తర్వాత ఈ దర్శకుడు మిరపకాయ్ సినిమాకు దర్శకత్వం వహించాడు. ఈ మూవీ అద్భుతమైన విజయం అందుకుంది. ఆ తర్వాత హరీష్ శంకర్ "గబ్బర్ సింగ్" మూవీ కి దర్శకత్వం వహించాడు. ఈ మూవీ ఏకంగా బ్లాక్ బాస్టర్ అయ్యింది. ప్రస్తుతం హరీష్ శంకర్ తెలుగు సినీ పరిశ్రమలో మంచి గుర్తింపు కలిగిన దర్శకుడిగా కెరియర్ను కొనసాగిస్తున్నాడు.
వంశీ పైడిపల్లి : ఈ దర్శకుడు ప్రభాస్ హీరోగా ఇలియానా హీరోయిన్గా రూపొందిన మున్నా అనే మూవీ తో దర్శకుడిగా కెరీర్ను మొదలు పెట్టాడు. ఈ సినిమా బాక్స్ ఆఫీస్ దగ్గర అపజయాన్ని అందుకుంది. ఈ మూవీ తర్వాత ఈ దర్శకుడు బృందావనం అనే సినిమాకు దర్శకత్వం వహించాడు. ఈ మూవీ మంచి విజయం అందుకుంది. ఆ తర్వాత ఈ దర్శకుడు చాలా సినిమాలకు దర్శకత్వం వహించగా అందులో అనేక మూవీలు మంచి విజయాలను సాధించడంతో ప్రస్తుతం వంశీ పైడిపల్లి తెలుగు సినీ పరిశ్రమలో సూపర్ క్రేజ్ కలిగిన దర్శకుడిగా కెరియర్ను ముందుకు సాగిస్తున్నాడు.