నన్ను ఇంతవరకు అలాంటి విషయం అడిగింది పవన్ ఒక్కరే.. ఎవ్వరూ అడగలేదు.. ప్రముఖ ఎడిటర్..!
తెలుగు సినీ పరిశ్రమలో ఎడిటర్ గా మంచి గుర్తింపును సంపాదించుకున్న వారిలో మార్తాండ్ కె వెంకటేష్ ఒకరు. ఈయన ఎన్నో సంవత్సరాలుగా ఎన్నో సినిమాలకు ఎడిటర్ గా పని చేశాడు. ఇకపోతే మార్తాండ్ కె వెంకటేష్ , పవర్ స్టార్ పవన్ కళ్యాణ్ హీరో గా రూపొందిన ఎన్నో సినిమాలకు ఎడిటర్ గా పని చేశాడు. ఇక ఈయన ఎడిటర్ గా పని చేసిన ఎన్నో పవన్ కళ్యాణ్ సినిమాలు బాక్స్ ఆఫీస్ దగ్గర మంచి విజయాలను అందుకున్నాయి. మార్తాండ్ కె వెంకటేష్ తాజాగా ఓ ఇంటర్వ్యూ లో పాల్గొన్నాడు. అందులో భాగంగా ఆయనకు మీరు పవన్ కళ్యాణ్ హీరోగా రూపొందిన ఎన్నో సినిమాలకు ఎడిటర్ గా పని చేశారు. ఇక ప్రస్తుతం పవన్ కళ్యాణ్ ఆంధ్రప్రదేశ్ రాష్ట్రానికి ఉప ముఖ్యమంత్రి గా కొనసాగుతున్నారు.
మరి దాని గురించి మీరు ఎలా ఫీల్ అవుతున్నారు అనే ప్రశ్న ఎదురయింది. దానికి ఆయన సమాధానం ఇస్తూ ... పవన్ కళ్యాణ్ అప్పుడు ఎలా ఉన్నారో ... ఇప్పుడు అలాగే ఉన్నారు. ఆయన వ్యక్తిత్వం లో ఎలాంటి మార్పు రాలేదు. నేను ఆయన సినిమాలకు పని చేస్తున్న సమయంలో ఎప్పుడైనా కాస్త డల్ గా కనిపిస్తే నా దగ్గరికి వచ్చి ఏమైనా ప్రాబ్లం ఉందా వెంకటేష్. ఏమైనా డబ్బు సమస్య ఉందా ... డబ్బులు ఏమైనా ఇవ్వమంటావా అని అడిగేవాడు.
నేను ఇప్పటివరకు ఎన్నో సినిమాలకు ఎడిటర్ గా పని చేశాను. కానీ ఇంత వరకు నన్ను ఎప్పుడు ఎవరూ అలా అడగలేదు. పవన్ కళ్యాణ్ మాత్రమే అలా అడిగాడు. ఆయన గొప్ప వ్యక్తి , మంచి స్వభావం కలిగిన వ్యక్తి అని మార్తాండ్ కె వెంకటేష్ తాజా ఇంటర్వ్యూ లో భాగంగా చెప్పుకొచ్చాడు. ఇకపోతే తాజాగా మార్తాండ్ కె వెంకటేష్ , పవన్ కళ్యాణ్ గురించి చేసిన వ్యాఖ్యలు వైరల్ అవుతున్నాయి.