పాపం కాజల్.. వరుసగా ఆ విషయంలో చేదు అనుభవాలు..?
మోస్ట్ బ్యూటిఫుల్ నటీమణి కాజల్ అగర్వాల్ గురించి ప్రత్యేక పరిచయం అవసరం లేదు. ఈ ముద్దు గుమ్మ కళ్యాణ్ రామ్ హీరోగా తేజ దర్శకత్వంలో రూపొందిన లక్ష్మీ కళ్యాణం అనే సినిమాతో తెలుగు తెరకు పరిచయం అయ్యింది . ఇక కృష్ణ వంశీ దర్శకత్వంలో రూపొందిన చందమామ మూవీ తో అద్భుతమైన విజయాన్ని అందుకుంది . ఆ తర్వాత మెగా పవర్ స్టార్ రామ్ చరణ్ హీరో గా రాజమౌళి దర్శకత్వం లో రూపొందిన మగధీర సినిమాతో మరో విజయాన్ని అందుకున్న ఈమె ఈ సినిమాతో టాలీవుడ్ టాప్ హీరోయిన్ల స్థాయికి చేరిపోయింది.
ఆ తర్వాత నుండి ఈమె వెనక్కి తిరిగి చూసుకోవాల్సిన పని లేకుండా పోయింది. వరుసగా సినిమాలలో నటించడం , అందులో చాలా మూవీలు సక్సెస్ అవుతూ రావడంతో ఈమె చాలా సంవత్సరాలే తెలుగులో టాప్ హీరోయిన్గా కెరియర్ను కొనసాగించింది. ఇకపోతే కెరియర్ ప్రారంభం నుండి చాలా సంవత్సరాల వరకు ఈమె కేవలం కమర్షియల్ సినిమాలపైనే ఎక్కువ దృష్టి పెట్టింది. దానితో కాజల్ ఎన్నో కమర్షియల్ సినిమాలలో నటించి తన అందాలతో , నటనతో ప్రేక్షకులను బాగానే ఆకట్టుకుంది. ఇక ప్రస్తుతం ఈ బ్యూటీ వైవిధ్యమైన సినిమాలలో , లేడీ ఓరియంటెడ్ సినిమాలలో నటించడానికి ప్రముఖ ప్రాధాన్యతను ఇస్తుంది.
కానీ ఈ బ్యూటీ కి లేడీ ఓరియంటెడ్ సినిమాలను ద్వారా మాత్రం మంచి విజయాలు దక్కడం లేదు. ఇప్పటికే చాలా లేడీ ఓరియంటెడ్ సినిమాలలో నటించిన కాజల్ కి ఏ లేడీ ఓరియంటెడ్ మూవీ ద్వారా కూడా భారీ బ్లాక్ బస్టర్ విజయం బాక్స్ ఆఫీస్ దగ్గర దక్కలేదు. కాజల్ కొంత కాలం క్రితం సత్యభామ అనే లేడీ ఓరియంటెడ్ మూవీ లో ప్రధాన పాత్రలో నటించింది. ఈ సినిమా కూడా బాక్స్ ఆఫీస్ దగ్గర బోల్తా కొట్టింది.