ఆ ఆడియన్స్ ను స్పెషల్ టార్గెట్ చేసిన కొరటాల.. ఎన్టీఆర్ ఫ్యాన్స్ కి ఫుల్ ట్రీట్..?
యంగ్ టైగర్ జూనియర్ ఎన్టీఆర్ ప్రస్తుతం దేవర మూవీ లో హీరో గా నటిస్తున్న విషయం మనకు తెలిసిందే . ఈ సినిమాకు కొరటాల శివ దర్శకత్వం వహిస్తూ ఉండ గా ... బాలీవుడ్ నటి జాన్వి కపూర్ ఈ సినిమాలో ఎన్టీఆర్ కి జోడిగా నటిస్తోంది . ఈ సినిమా తోనే ఈ ముద్దుగుమ్మ తెలుగు తెరకు పరిచయం కాబోతోంది . ఈ సినిమా లో హిందీ సినీ పరిశ్రమలో అద్భుతమైన గుర్తింపు కలిగిన నటులలో ఒకరు అయినటువంటి సైఫ్ అలీ ఖాన్ విలన్ పాత్రలో కనిపించబోతున్నాడు. అనిరుద్ రవిచంద్రన్ ఈ సినిమాకు సంగీతం అందిస్తున్నాడు.
ఈ మూవీ మొత్తం రెండు భాగాలుగా విడుదల కానుంది. అందులో మొదటి భాగాన్ని ఈ సంవత్సరం సెప్టెంబర్ 27 వ తేదీన విడుదల చేయనున్నట్లు మేకర్స్ చాలా రోజుల క్రితమే ప్రకటించారు. ఈ సినిమా విడుదల తేదీ దగ్గర పడుతున్న ఈ మూవీ కి సంబంధించిన షూటింగ్ కూడా కొంత బ్యాలెన్స్ ఉన్నట్లు తెలుస్తోంది. అతి త్వరలోనే ఈ సినిమాకు సంబంధించిన అన్ని పనులను పూర్తి చేసి ఈ మూవీ బృందం ఈ సినిమా ప్రమోషన్లను మొదలు పెట్టబోతున్నట్లు తెలుస్తోంది. ఈ మూవీ పై ప్రేక్షకుల్లో భారీ అంచనాలు ఉన్నాయి.
ఇకపోతే కొరటాల , ఎన్టీఆర్ అభిమానుల కోసం అదిరిపోయే రేంజ్ లో రెండు సాంగ్స్ ని దేవర మొదటి భాగంలో చిత్రీకరించాడట. ఈ మూవీ లోని రెండు పాటల్లో ఎన్టీఆర్ డాన్స్ అద్భుతంగా ఉండబోతుందని తెలుస్తోంది. త్వరలోనే ఈ సినిమా నుండి ఓ సాంగ్ ను విడుదల చేయబోతున్నట్లు అందులో కొంత భాగం స్టెప్స్ ని కూడా జోడించబోతున్నట్లు తెలుస్తోంది. మరి దేవర సినిమాల్లోని పాటల్లో ఎన్టీఆర్ తన డాన్స్ తో ప్రేక్షకులను ఏ స్థాయిలో ఆకట్టుకుంటాడో చూడాలి.