"డార్లింగ్" హక్కులను దక్కించుకున్న "భారతీయుడు 2" డిస్ట్రిబ్యూటర్స్..!
టాలీవుడ్ ఇండస్ట్రీలో నటుడుగా తనకంటూ ఒక మంచి గుర్తింపు ఏర్పాటు చేసుకున్న వారిలో ప్రియదర్శి ఒకరు. ఈయన పెళ్లి చూపులు అనే మూవీ తో తెలుగు తేరకు పరిచయం అయ్యి మంచి గుర్తింపు ఈ సినిమా ద్వారా సంపాదించుకున్నాడు. ఇక మల్లేశం అనే మూవీ తో ఈయన మొదటి సారి హీరో గా సినిమాలలో నటించడం మొదలు పెట్టాడు. ఈ మూవీ మంచి విజయం అందుకుంది. అలాగే ఈ మూవీ లోని ప్రియదర్శి నటనకి కూడా ప్రేక్షకుల నుండి , విమర్శకుల నుండి మంచి ప్రశంసలు దక్కాయి. ఇకపోతే కొన్ని రోజుల క్రితం ఈ నటుడు బలగం అనే సినిమాలో హీరో గా నటించాడు.
ఈ మూవీ బ్లాక్ బస్టర్ విజయం అందుకుంది. దానితో ఈయన క్రేజ్ మరింతగా పెరిగింది. ఇది ఇలా ఉంటే తాజాగా ఈ నటుడు డార్లింగ్ అనే సినిమాలో హీరో గా నటించాడు. ఈ మూవీ లో మోస్ట్ బ్యూటిఫుల్ యంగ్ లేడీ నబా నటేష్ హీరోయిన్ గా నటించింది. ఈ మూవీ ని జూలై 19 వ తేదీన విడుదల చేయనున్నారు. ఇక ఈ సినిమా విడుదల తేదీ దగ్గర పడడంతో ఇప్పటికే ఈ మూవీ కి సంబంధించిన అన్ని ఏరియాల థియేటర్ హక్కులను ఈ మూవీ యూనిట్ వారు అమ్మి వేస్తూ వస్తున్నారు. అందులో భాగంగా తాజాగా ఈ మూవీ యొక్క ఆంధ్ర ప్రదేశ్ థియేటర్ హక్కులను కూడా ఈ మూవీ బృందం అమ్మి వేసింది. ఈ సినిమా ఆంధ్ర ప్రదేశ్ థియేటర్ హక్కులను ఏషియన్ సురేష్ ఎంటర్టైన్మెంట్ ఎల్ ఎల్ పి సంస్థ దక్కించుకుంది.
ఈ విషయాన్ని ఈ సంస్థ తాజాగా అధికారికంగా ప్రకటిస్తూ ఓ పోస్టర్ ను కూడా విడుదల చేసింది. ప్రస్తుతం ఆ పోస్టర్ సోషల్ మీడియాలో వైరల్ అవుతుంది. ఇకపోతే తాజాగా ఏషియన్ సురేష్ ఎంటర్టైన్మెంట్ ఎల్ ఎల్ పి సంస్థ కమల్ హాసన్ హీరో గా శంకర్ దర్శకత్వంలో రూపొందిన భారతీయుడు 2 సినిమాను రెండు తెలుగు రాష్ట్రాల్లో విడుదల చేసింది. ఇక ప్రస్తుతం భారతీయుడు 2 సినిమా ప్రస్తుతం ధియేటర్ లలో ప్రదర్శించబడుతుంది.