వారి బాటలోనే ప్రయాణించనున్న నిఖిల్.. స్వయంభు గురించి అదిరిపోయే అప్డేట్ ఇచ్చిన నబా నటేష్..!
తెలుగు సినీ పరిశ్రమలో మంచి గుర్తింపు కలిగిన యువ నటులలో నిఖిల్ ఒకరు. ఈయన హ్యాపీ డేస్ మూవీ తో మంచి గుర్తింపును సంపాదించుకున్నాడు. ఆ తర్వాత ఈయన నటించిన చాలా సినిమాలు బాక్స్ ఆఫీస్ దగ్గర బోల్తా కొట్టాయి. అలాంటి సమయం లోనే నిఖిల్ "స్వామి రా రా" అనే మూవీ తో మంచి విజయాన్ని అందుకొని అద్భుతమైన ఫామ్ లోకి వచ్చాడు. అప్పటి నుండి ఈ నటుడు వైవిధ్యమైన కథలను , డిఫరెంట్ స్టోరీలను ఎంచుకొని సినిమాలు చేస్తూ వస్తున్నాడు. అందులో భాగంగా ఇప్పటికే ఈయన అనేక విజయాలను అందుకున్నాడు.
ఇది ఇలా ఉంటే ప్రస్తుతం ఈ యువ నటుడు స్వయంభు అనే సినిమాలో హీరోగా నటిస్తున్నాడు. ప్రస్తుతం ఈ సినిమా షూటింగ్ శర వేగంగా జరుగుతుంది. ఈ మూవీ లో మోస్ట్ బ్యూటిఫుల్ నటీమణి అయినటువంటి నబా నటేష్ హీరోయిన్ గా కనిపించబోతుంది. ఇది ఇలా ఉంటే నబా నటేష్ తాజాగా ప్రియదర్శి హీరోగా రూపొందిన డార్లింగ్ అనే సినిమాలో హీరోయిన్ గా నటించింది. ఈ మూవీ ని జూలై 19 వ తేదీన విడుదల చేయనున్నారు. దానితో ఈ బ్యూటీ వరుసగా టీవీ షో లలో , ఇంటర్వ్యూ లలో పాల్గొంటూ డార్లింగ్ మూవీ ని ప్రమోట్ చేస్తూ వస్తుంది.
అందులో భాగంగా తాజాగా ఈ బ్యూటీ స్వయంభు మూవీ గురించి ఒక అదిరిపోయే అప్డేట్ ను ఇచ్చింది. తాజా ఇంటర్వ్యూ లో భాగంగా ఈ బ్యూటీ మాట్లాడుతూ ... స్వయంభు మూవీ ఒక భాగంతో పూర్తి అయ్యే సినిమా కాదు. దానికి రెండు , మూడు భాగాలు ఉంటాయి అని చెప్పింది. ఇలా స్వయంభు మూవీ గురించి ఈమె చెప్పిన మాటలు ప్రస్తుతం వైరల్ అవుతున్నాయి. ఇకపోతే ఈ మధ్య కాలంలో చాలా మంది స్టార్ హీరోలు తమ సినిమాలను ఒక భాగంతో కాకుండా రెండు భాగాలతో ప్రేక్షకుల ముందుకు తీసుకు వస్తున్నారు. ఇక నిఖిల్ కూడా వారి రూట్ లోనే ప్రయాణించబోతున్నట్లు తెలుస్తోంది.