"విశ్వంభర" లో అదే హైలెట్.. ఏకంగా అంతమందితో షూటింగ్..?
మెగాస్టార్ చిరంజీవి పోయిన సంవత్సరం రెండు మూవీలతో ప్రేక్షకుల ముందుకు వచ్చాడు. అందులో మొదటగా సంక్రాంతి పండుగ సందర్భంగా విడుదల అయిన వాల్టేరు వీరయ్య బాక్స్ ఆఫీస్ దగ్గర సూపర్ సాలిడ్ విజయాన్ని అందుకుంది. ఈ మూవీ తర్వాత చిరు "భోళా శంకర్" అనే మూవీ తో ప్రేక్షకుల ముందుకు వచ్చాడు. ఈ మూవీ మాత్రం ప్రేక్షకులను పెద్దగా ఆకట్టుకోలేక పోయింది. ఇకపోతే ప్రస్తుతం చిరంజీవి , మల్లాడి వశిష్ట దర్శకత్వంలో రూపొందుతున్న విశ్వంభర అనే మూవీ లో హీరో గా నటిస్తున్నాడు. ఈ మూవీ లో త్రిష హీరోయిన్ గా నటిస్తూ ఉండగా , యు వి క్రియేషన్స్ బ్యానర్ పై వంశీ , ప్రమోద్ ఈ సినిమాను నిర్మిస్తున్నారు.
ఎం ఎం కీరవాణి ఈ సినిమాకు సంగీతం అందిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు అధికారికంగా ప్రకటించారు. ఇది ఇలా ఉంటే ఈ మూవీ కి సంబంధించిన రోజుకో క్రేజీ న్యూస్ సోషల్ మీడియాలో వైరల్ అవుతుంది. కొన్ని రోజుల క్రితం ఈ మూవీ యొక్క ఇంట్రవెల్ సన్నివేశాన్ని అత్యంత భారీ ఎత్తున తెరకెక్కిస్తున్నారు. ఈ సన్నివేశం ఈ మూవీ కి హైలెట్ సన్నివేశం అని వార్తలు వచ్చాయి. ఇకపోతే ప్రస్తుతం ఈ మూవీ యూనిట్ ఈ సినిమాకు సంబంధించిన ఒక యాక్షన్స్ సీక్వెన్సెస్ ను చిత్రీకరిస్తున్నట్లు , ఈ యాక్షన్ సన్నివేషంలో ఏకంగా 500 మంది ఫైటర్స్ పాల్గొంటున్నట్లు తెలుస్తోంది.
ఇక ఇంటర్వెల్ సన్నివేశం తర్వాత ఈ సన్నివేశం సినిమాకి హైలైట్ గా మారబోతున్నట్లు తెలుస్తోంది. ఇలా ఈ మూవీ లో అనేక హైలెట్స్ సన్నివేశాలు ఉండబోతున్నట్లు సమాచారం. ఇది ఇలా ఉంటే ప్రస్తుతం ఈ మూవీ కి సంబంధించిన పనులన్నీ ఫుల్ స్పీడ్ గా జరుగుతున్నాయి. ఓ వైపు ఈ సినిమా చిత్రీకరణ జరుగుతూ ఉండగానే మరో వైపు డబ్బింగ్ పనులు కూడా జరుగుతున్నాయి. ఈ మూవీ ని దాదాపుగా ఎలాంటి లేట్ లేకుండా సంక్రాంతి కి విడుదల చేసే ఆలోచనలో మూవీ బృందం ఉన్నట్లు తెలుస్తోంది.