బాక్స్ ఆఫీస్: గ్యాంగ్స్ ఆఫ్ గోదావరి ఫ్లోని ఆపేసిన మనమే?
శర్వానంద్ 35వ చిత్రంగా 'మనమే' జూన్ 7న ప్రేక్షకుల ముందుకు వచ్చింది. భలే మంచి రోజు, శమంతకమణి, దేవ్ దాస్, హీరో వంటి సినిమాలు తీసిన శ్రీరామ్ ఆదిత్య దర్శకత్వం వహించిన ఈ మూవీని 'పీపుల్ మీడియా ఫ్యాక్టరీ' సంస్థ పై టి.జి.విశ్వ ప్రసాద్ నిర్మించగా వివేక్ కూచిభొట్ల సహా నిర్మాతగా వ్యవహరించడం జరిగింది.ఇంకా అలాగే అలాగే విశ్వప్రసాద్ కూతురు కృతి ప్రసాద్ 'క్రియేటివ్ ప్రొడ్యూసర్ గా' ఈ మూవీతో ఇండస్ట్రీలోకి ఎంట్రీ ఇచ్చారు. హీరోయిన్ గా కృతి శెట్టి నటించింది.‘మనమే’ విడుదలకు ముందే టీజర్, ట్రైలర్స్ కి మంచి రెస్పాన్స్ వచ్చింది.మొదటి రోజు ఈ మూవీకి పాజిటివ్ టాక్ వచ్చింది. కానీ ఓపెనింగ్స్ మాత్రం సో సో గానే వచ్చాయి.కానీ 2వ రోజు ఈ సినిమా బాగానే పికప్ అయ్యింది. 3వ రోజు ఇంకా బాగా కలెక్ట్ చేసింది.
ఇలా రోజు రోజుకి ఈ సినిమా గ్రోత్ బాగానే చూపిస్తుంది. ఒకసారి ఈ సినిమా ఫస్ట్ వీకెండ్ కలెక్షన్స్ ని గమనిస్తే.. ‘మనమే’ మూవీకి రూ.12.8 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం మొత్తం రూ.13 కోట్ల షేర్ ను రాబట్టాల్సి ఉంది. ఫస్ట్ వీకెండ్ ముగిసేసరికి ఈ సినిమా మొత్తం రూ.4.89 కోట్ల షేర్ ను రాబట్టింది. బ్రేక్ ఈవెన్ కి ఖచ్చితంగా ఇంకా రూ.8.11 కోట్ల షేర్ ను రాబట్టాలి. ఈ సినిమా గ్రోత్ చూస్తుంటే ఖచ్చితంగా బ్రేక్ ఈవెన్ అయ్యి హిట్ అయ్యే ఛాన్స్ కనిపిస్తుంది. మొత్తానికి ఈ సినిమాకి అయితే పాజిటివ్ టాక్ వచ్చేసింది.మరి చూడాలి ఈ సినిమా ఫైనల్ రన్ లో ఎన్ని కోట్లు వసూలు చేస్తుందో..
ఈ సినిమా రాకతో గ్యాంగ్స్ ఆఫ్ గోదావరికి వసూళ్లు తగ్గాయి. ఇప్పుడు ఆ సినిమా ఓటీటి విడుదలకి సిద్ధం అవుతుంది.ఈ సినిమా జూన్ 14న స్ట్రీమింగ్ కి అందుబాటులోకి రానున్నట్లు స్ట్రీమింగ్ ప్లాట్ఫారం అధికారికంగా సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో అంజలి, నేహా శెట్టి కథానాయికలుగా నటించారు. యాక్షన్ డ్రామాగా తెరకెక్కుతున్న ఈ మూవీలో నాజర్, సాయి కుమార్, గోపరాజు రమణ తదితరులు ముఖ్య పాత్రలు పోషించారు. ప్రముఖ నిర్మాణ సంస్థలు సితార ఎంటర్టైన్మెంట్స్ మరియు ఫార్చూన్ ఫోర్ ఎంటర్టైన్మెంట్స్ సంయుక్తంగా ఈ చిత్రాన్ని నిర్మించాయి.