బాలీవుడ్: వామ్మో! ఆ చెడ్డ రాజు పాత్ర చేస్తున్న రానా?
దగ్గుబాటి రానా పెద్ద ఫ్యామిలీ నుంచి వచ్చినా కూడా పెద్ద హిట్టు కొట్టలేకపోతున్నాడు. నటుడుగా పీక్ స్టేజిలో ఉన్న రానా సోలో సినిమాతో హిట్టు కొట్టి చాలా ఏళ్లయింది. అప్పుడెప్పుడో నేనే రాజు నేనే మంత్రి సినిమాతో తప్ప ఇప్పటిదాకా ఒక్క సోలో హిట్టు కొట్టలేదు. అసలు సోలో మూవీస్ కూడా తక్కువ చేస్తున్నాడు. చేసినా కూడా సరైన కథలు మాత్రం ఎంచుకోవడం లేదు. పూర్తిగా మల్టీ స్టారర్ మూవీస్ వైపే వెళ్తున్నాడు. చివరిగా తెలుగులో పూర్తి స్థాయి హీరోగా విరాటపర్వం సినిమాతో మాత్రమే ప్రేక్షకుల ముందుకి వచ్చారు. ఆ సినిమా తర్వాత రానా నాయుడు వెబ్ సిరీస్ ని బాబాయ్ విక్టరీ వెంకటేష్ తో కలిసి చేశాడు.విరాటపర్వం తర్వాత 1945 అనే మూవీ విడుదల అయ్యింది. అయితే ఈ మూవీ తమిళ్ డబ్బింగ్ సినిమాగా వచ్చింది. ఈ మూవీ ఎప్పుడో షూటింగ్ కంప్లీట్ చేసుకున్న చాలా అవాంతరాల తర్వాత రిలీజ్ అయ్యింది.తరువాత యంగ్ హీరో నిఖిల్ స్పై సినిమాలో గెస్ట్ రోల్ లో కనిపించారు. ప్రస్తుతం సూపర్ స్టార్ రజినీకాంత్ వేట్టయాన్ మూవీ లో కీలక పాత్రలో రానా నటించారు. ఇదిలా ఉంటే నేనే రాజు నేనే మంత్రి మూవీతో రానాకి కెరియర్ లో బిగ్గెస్ట్ బ్లాక్ బస్టర్ హిట్ ఇచ్చిన తేజతో మరోసారి సినిమా చేసేందుకు సిద్ధం అయ్యాడు. రాక్షసరాజా అనే టైటిల్ కూడా ఈ మూవీకి ఖరారు చేశారు. ఈ ఏడాదిలోనే సినిమా సెట్స్ పైకి వెళ్లే అవకాశం ఉందని తెలుస్తోంది.రానా నాయుడు సీజన్ 2 షూటింగ్ ని కూడా రానా కంప్లీట్ చేసాడంట. దీంతో తేజ మూవీని త్వరలో స్టార్ట్ చేయాలని అనుకుంటున్నట్లు సమాచారం వినిపిస్తోంది. రానా హిందీలో ఓ మూవీలో రౌడీగా కనిపించడానికి గ్రీన్ సిగ్నల్ ఇచ్చాడంట. రానా హిందీలో ఇప్పటి దాకా ఆరు సినిమాల వరకు చేశారు. చివరిగా హతి మేరీ సాథి అనే మూవీలో కనిపించారు.షాహిద్ కపూర్ టైటిల్ రోల్ లో తెరకెక్కబోయే ఛత్రపతి శివాజీ మూవీలో రానా నటించబోతున్నాడంట. ఈ మూవీలో ఔరంగజేబు పాత్రలో రానా నటించడానికి ఒకే చెప్పినట్లు తెలుస్తోంది.OMG 2తో సక్సెస్ అందుకున్న అమిత్ రాయ్ దర్శకత్వంలో ఈ సినిమా తెరకెక్కబోతుందంట. పీరియాడిక్ జోనర్ లో హిస్టారికల్ కథాంశంతో సిద్ధం కాబోయే ఈ మూవీని దిల్ రాజు, వాకూ ఫిలిమ్స్ తో కలిసి భారీ బడ్జెట్ తో నిర్మించబోతున్నట్లు తెలుస్తోంది