మెగా ఫాన్స్ కి గుడ్ న్యూస్.. గేమ్ చేంజర్ షూటింగ్ నుండి నయా అప్డేట్..!?
మెగా పవర్ స్టార్ రామ్ చరణ్ గురించి ప్రత్యేకంగా చెప్పక్కర్లేదు. ఆర్ ఆర్ ఆర్ సినిమాతో బ్లాక్ బస్టర్ హిట్ ను అందుకున్న తర్వాత రామ్ చరణ్ 'గేమ్ చేజర్ ' సినిమా చేస్తున్న విషయం అందరికీ తెలిసిందే. ఈ సినిమాను శంకర్ డైరెక్ట్ చేస్తున్నారు. ఇంకా మూడేళ్లుగా ఈ సినిమాకు సంబంధించిన షూటింగ్ జరుపుకుంటునే ఉంది. ఇంతకు ఈ సినిమా ఎప్పుడు రిలీజ్ కానుంది అనే దానిపై ఇప్పటివరకు క్లారిటీ లేదు. అయితే పోయిన నెలలో ఈ సినిమాకు సంబంధించిన ఒక షెడ్యూల్ ని పూర్తి చేశారు శంకర్. అయితే శంకర్ ప్రస్తుతం కమల్
హాసన్ 'ఇండియన్ 2' సినిమా ప్రమోషన్స్ లో భాగంగా పాల్గొంటున్నారు. ఈ విషయాన్ని గమనించిన రామ్ చరణ్ అభిమానులు ఇండియన్ 2 సినిమా విడుదల అయ్యేవరకు గేమ్ చేంజర్ సినిమాకు సంబంధించిన షూటింగ్ మొదలయ్యేలాలేదు అని ఆందోళనకు గురవుతున్నారు. ఇక అభిమానులు అలా భయపడాల్సిన అవసరం లేదు. తాజాగా ఈ నెలలో గేమ్ చేజర్ సినిమా షూటింగ్ స్టార్ట్ కాబోతోంది. ఈ షూటింగ్ రాజమండ్రిలో ప్లాన్ చేసారు. ఇక ఈ షూటింగ్ దాదాపుగా వారం రోజులపాటు జరగనుంది. ఈ సినిమాలో కొన్ని కీలక
సన్నివేశాలు ఈ షెడ్యూల్లో తెరకెక్కించనున్నారు. ఈ షూటింగ్లో భాగంగా రామ్ చరణ్ తో పాటు ఈ సినిమాలో పలు కీలక పాత్రలో నటిస్తున్న నటులు కూడా పాల్గొంటున్నారు. అయితే తాజాగా దిల్ రాజు ఈ సినిమాను అక్టోబర్ లో ప్రేక్షకుల ముందుకు తీసుకు వచ్చే అవకాశం ఉందని తెలియజేశారు. దీనితోపాటు ఎన్టీఆర్ నటిస్తున్న దేవర సినిమా కూడా అక్టోబర్లో రిలీజ్ కానుంది. అయితే గేమ్ చెంజర్ సినిమా కూడా అప్పుడే రిలీజ్ అయితే చరణ్ , ఎన్టీఆర్ వీళ్ళిద్దరి మధ్యలో పోటీ తప్పదు. అయితే పోయిన ఏడాదిలో వీళ్ళిద్దరి కాంబినేషన్ లో వచ్చిన ఆర్ఆర్ఆర్ సినిమా ఎంతటి విజయాన్ని అందుకుందో అందరికీ తెలిసిందే. ఇక ఈ సినిమా బాక్స్ ఆఫీస్ వద్ద కాసుల వర్షాన్ని కురిపించింది. ఆ సినిమా తరువాత వీళ్ళిద్దరూ నెక్స్ట్ ప్రాజెక్ట్స్ ఈ రెండు సినిమాలే. ఒకవేళ వీళ్ళిద్దరి సినిమాలు ఒకేసారి రిలీజ్ అయితే దానిని చూడడానికి టాలీవుడ్ ఆడియన్స్ కూడా ఎంతో ఆసక్తిగా ఎదురు చూస్తున్నారు.