హరోం హర: సుధీర్ బాబు కెరీర్లోనే బిగ్గెస్ట్ హిట్టవ్వడం ఖాయమట?
సుధీర్బాబు హీరోగా నటించిన లేటెస్ట్ మూవీ 'హరోం హర'. జ్ఞాన సాగర్ తెరకెక్కించిన ఈ మూవీలో మాళవికా శర్మ హీరోయిన్ గా నటించింది. సుమంత్ జి. నాయుడు ఈ మూవీకి నిర్మాతగా వ్యవహరించారు.ఇప్పటికే అన్ని హంగులు పూర్తి చేసుకున్న ఈ సినిమా 31న గ్రాండ్ గా రిలీజ్ కావాల్సి ఉంది. ఇందుకోసం అన్ని పనులని కూడా పూర్తి చేశారు. అయితే అనివార్య కారణాలతో హరోం హర మూవీ రిలీజ్ వాయిదా పడింది. ఈ మూవీతో జూన్ 14న సుధీర్ బాబు ప్రేక్షకుల ముందుకు తీసుకురానున్నట్లు చిత్ర బృందం అధికారికంగా ప్రకటించింది. ఇదిలా ఉంటే ఆడియెన్స్ కోసం ఒక అదిరిపోయే ఆఫర్ ను కూడా ప్రకటించారు మేకర్స్. తమ ప్రమోషన్లలో భాగంగా ఒక వినూత్నమైన కాంటెస్ట్ కు మేకర్స్ ప్లాన్ చేశారు. దీని ప్రకారం ఈ పోటీలో పాల్గొనే వారు 08045936069 టోల్ ఫ్రీ నెంబర్కు మిస్డ్ కాల్ కాల్ ఇస్తే చాలని అన్నారు. అందువల్ల వారి వద్ద మీ ఫోన్ నంబర్ ఆటో మేటిక్ గా సేవ్ అయిపోతుంది. ఇలా వచ్చిన వారందరిలో నుంచి కొంతమందిని లాటరీ పద్ధతిలో విజేతలుగా ఎంపికచేస్తారు.
ఈ కాంటెస్ట్ లో గెలుపొందిన వారు ఏకంగా జీప్, ఐపోన్ 16 PRO, చేతక్ బైక్ ను గెలుచుకోవచ్చు. ఈ విషయాన్ని సోషల్ మీడియా ద్వారా అధికారికంగా ప్రకటించింది మూవీ టీం.హరోం హరా చిత్ర బృందం షేర్ చేసి పోస్ట్ ప్రస్తుతం సోషల్ మీడియాలో బాగా వైరల్ గా మారింది. దీనిని చూసిన వారందరూ కూడా ఇప్పటికే భారీగా మిస్డ్ కాల్స్ ఇస్తున్నారు. సూపర్ స్టార్ మహేశ్ బాబు, సుధీర్ అభిమానులు కూడా ఈ పోస్ట్ ను బాగా షేర్ చేస్తున్నారు. కాగా ప్రమోషన్లలో భాగంగా గురువారం (మే 30) నాడు టాలీవుడ్ సూపర్ స్టార్ మహేశ్ బాబు చేతుల మీదుగా హరోం హర ట్రైల్ ను రిలీజ్ అయ్యి మంచి రెస్పాన్స్ దక్కించుకుంది. ఖచ్చితంగా సుధీర్ కి ఈ సినిమా హిట్ కావడం ఖాయం.ఈ మూవీలో సునీల్, జయ ప్రకాష్, అక్షర, అర్జున్ గౌడ్, లక్కీ లక్ష్మణ్ ఇంకా రవి కాలే తదితరులు నటించారు. చైతన్ భరద్వాజ్ ఈ సినిమాకి స్వరాలు సమకూర్చారు. ఇప్పటికే టీజర్స్, పోస్టర్స్ తో ఆసక్తిని రేకెత్తించిన హరోం హర మూవీ కోసం ఆడియెన్స్ ఎంతో ఆసక్తిగా ఎదురు చూస్తున్నారు.