"గం గం గణేశా" సెన్సార్ కార్యక్రమాలు పూర్తి..!
దొరసాని సినిమాతో వెండి తేరకు పరిచయం అయిన ఆనంద్ దేవరకొండ ఇప్పటికే పలు సినిమాలలో నటించి అందులో కొన్ని సినిమాలతో మంచి విజయాలను అందుకొని తెలుగు సినీ పరిశ్రమలో తనకంటూ ఒక మంచి గుర్తింపును ఏర్పరచుకున్నాడు. ఇకపోతే ఈ నటుడు కొంత కాలం క్రితం బేబి అనే సినిమాలో ప్రధాన పాత్రలో నటించి ప్రేక్షకులను ఎంతగానో అలరించాడు. ఈ మూవీ సూపర్ సక్సెస్ కావడం తో ఈయన క్రేజ్ సూపర్ గా పెరిగిపోయింది.
ఇది ఇలా ఉంటే తాజాగా ఈ నటుడు గం గం గణేశా అనే సినిమాలో హీరో గా నటించాడు. ఉదయ్ శెట్టి ఇది సినిమాకు దర్శకత్వం వహించాడు. ఈయన ఈ సినిమాతోనే దర్శకుడుగా తన కెరీర్ ను మొదలు పెట్టబోతున్నాడు. ప్రగతి శ్రీవాస్తవ , కరిష్మా ఈ మూవీ లో హీరోయిన్ లుగా కనిపించనుండగా ... వెన్నెల కిషోర్ , జబర్దస్త్ ఆర్టిస్ట్ ఇమ్మానుయేల్ ఈ మూవీ లో ముఖ్య పాత్రలలో కనిపించనున్నారు.
ఇకపోతే ఈ సినిమాని మే 31బీవ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ఈ మూవీ బృందం వారు ఈ సినిమాకు సంబంధించిన ఒక్కో పనిని పూర్తి చేసుకుంటూ వెళుతున్నారు. అందులో భాగంగా తాజాగా ఈ చిత్ర బృందం వారు ఈ సినిమాకు సంబంధించిన సెన్సార్ కార్యక్రమాలను పూర్తి చేశారు. ఈ మూవీ కి సెన్సార్ బోర్డు నుండి యు / ఎ సర్టిఫికెట్ లభించింది.
ఈ విషయాన్ని మేకర్స్ అధికారికంగా ప్రకటిస్తూ ఓ పోస్టర్ ను కూడా విడుదల చేశారు. ఇకపోతే ఇప్పటి వరకు ఈ సినిమా నుండి విడుదల చేసిన ప్రచార చిత్రాలు ప్రేక్షకులను బాగా ఆకట్టుకోవడంతో ఈ మూవీ పై ప్రస్తుతం తెలుగు ప్రేక్షకుల్లో మంచి అంచనాలు ఉన్నాయి. మరి ఈ మూవీ ప్రేక్షకుల అంచనాలను అందుకుంటుందో లేదో చూడాలి.