"సుందరం మాస్టర్" కి వరల్డ్ టెలివిజన్ ప్రీమియర్ లో వచ్చిన "టిఆర్పి" రేటింగ్ ఇదే..!
తెలుగు సినీ పరిశ్రమలో కమీడియన్ గా మంచి గుర్తింపును సంపాదించుకున్న హర్ష చీముడు తాజాగా సుందరం మాస్టర్ అనే మూవీ లో హీరో గా నటించిన విషయం మన అందరికీ తెలిసిందే. కళ్యాణ్ సంతోష్ దర్శకత్వం లో రూపొందిన ఈ సినిమాలో దివ్య శ్రీపాద ఓ కీలకమైన పాత్రలో నటించింది. కమీడియన్ గా మంచి గుర్తింపు కలిగిన హర్ష మొట్ట మొదటి సారి హీరో గా నటించిన మూవీ కావడం , ఈ సినిమా నుండి చిత్ర బృందం విడుదల చేసిన ప్రచార చిత్రాలు ప్రేక్షకులను ఎంత గానో ఆకట్టుకోవడంతో విడుదలకు ముందు ఈ సినిమాపై ప్రేక్షకుల్లో మంచి అంచనాలు నెలకొన్నాయి.
అలా మంచి అంచనాల నడుమ థియేటర్ లలో విడుదల అయిన ఈ సినిమా ప్రేక్షకులను పెద్దగా ఆకట్టుకోలేదు. దానితో ఈ మూవీ బాక్స్ ఆఫీస్ దగ్గర భారీ కలెక్షన్ లను వసూలు చేయలేకపోయింది. దాని తర్వాత ఈ మూవీ ఓ టి టి ప్లాట్ ఫామ్ లోకి ఎంట్రీ ఇచ్చింది. ఓ టి టి లో మాత్రం ఈ సినిమా పర్వాలేదు అనే స్థాయిలో ప్రేక్షకులను అలరించింది. ఇలా థియేటర్ మరియు ఓ టి టి ప్రేక్షకులను అలరించడంలో భారీగా సక్సెస్ కాలేకపోయిన ఈ సినిమా కొన్ని రోజుల క్రితమే వరల్డ్ టెలివిజన్ ప్రీమియర్ గా బుల్లి తెరపై ప్రసారం అయింది.
ఈ మూవీ మొదటి సారి బుల్లి తెరపై ప్రసారం అయినప్పుడు 1.32 టి ఆర్ పి ను రేటింగ్ తెచ్చుకుంది. ఈ సినిమాకు థియేటర్ , ఓ టి టి లో ఎలాంటి రెస్పాన్స్ వచ్చిందో దాదాపుగా బుల్లి తెరపై కూడా అలాంటి రెస్పాన్స్ వచ్చింది. ఈ సినిమా భారీ విజయాన్ని అందుకొని అద్భుతమైన కలెక్షన్ లను వసూలు చేయకపోయినప్పటికీ నటుడిగా హర్ష కు మాత్రం మంచి గుర్తింపును తీసుకువచ్చింది.