"హనుమాన్" మూవీకి మొదటిసారి వచ్చిన "టిఆర్పి" రేటింగ్ ఇదే..!
కొన్ని రోజుల క్రితం తేజా సజ్జ హీరోగా అమృత అయ్యర్ హీరోయిన్ గా ప్రశాంత్ వర్మ దర్శకత్వంలో రూపొందిన హనుమాన్ అనే సినిమా విడుదల అయిన విషయం మన అందరికీ తెలిసిందే. ఈ మూవీ భారీ అంచనాల నడుమ ఈ సంవత్సరం సంక్రాంతి పండుగ సందర్భంగా జనవరి 12 వ తేదీన తెలుగు , తమిళ , కన్నడ , మలయాళ , హిందీ భాషలలో పాన్ ఇండియా మూవీ గా విడుదల అయింది. మంచి అంచనాల నడుమ విడుదల అయిన ఈ సినిమా అద్భుతమైన బ్లాక్ బాస్టర్ టాక్ ను తెచ్చుకుంది. దానితో ఈ మూవీ కి ఏకంగా 200 కోట్లకు పైగా కలెక్షన్ లు వచ్చాయి. ఇలా ఈ మూవీ బాక్స్ ఆఫీస్ దగ్గర బారి కలెక్షన్ లను కొల్లగొట్టి అద్భుతమైన విజయాన్ని నమోదు చేసుకుంది.
ఇలా బాక్స్ ఆఫీస్ దగ్గర సూపర్ సక్సెస్ అయిన ఈ సినిమా ఆ తర్వాత డిజిటల్ ప్లాట్ ఫామ్ లోకి ఎంట్రీ ఇచ్చింది. ఈ మూవీ కి ఓ టి టి ప్లాట్ ఫామ్ లో కూడా ప్రేక్షకుల నుండి సూపర్ సాలిడ్ రెస్పాన్స్ లభించింది. ఇలా థియేటర్ మరియు ఓ టి టి ప్రేక్షకులను ఆకట్టుకున్న ఈ సినిమా కొన్ని రోజుల క్రితమే బుల్లి తెరపై ప్రసారం అయింది. ఈ సినిమా యొక్క తెలుగు వర్షన్ శాటిలైట్ హక్కులను జీ తెలుగు సంస్థ దక్కించుకుంది. అందులో భాగంగా ఈ మూవీ కొన్నిరోజుల క్రితమే మొదటి సారి వరల్డ్ టెలివిజన్ ప్రీమియర్ గా జీ తెలుగు ఛానల్లో ప్రసారం కాగా 10.26 టి ఆర్ పి రేటింగ్ ను తెచ్చుకుంది. ఇక ఈ సినిమాకు అదిరిపోయే రేంజ్ టి ఆర్ పి రేటింగ్ దక్కింది అని చెప్పవచ్చు. ఇలా ఈ సినిమా బుల్లి తెర ప్రేక్షకులను కూడా అద్భుతమైన రీతిలో ఆకట్టుకుంది.