"ప్రశాంత్ వర్మ సినిమాటిక్ యూనివర్స్" గురించి క్రేజీ విషయాలు చెప్పిన ప్రశాంత్ వర్మ..!
తెలుగు సినిమా పరిశ్రమలో అద్భుతమైన గుర్తింపును సంపాదించుకున్న దర్శకులలో ప్రశాంత్ వర్మ ఒకరు. ఈయన నాని నిర్మాణంలో రూపొందినటువంటి "అ!" సినిమాతో దర్శకుడుగా పరిచయం అయ్యారు. ఈ సినిమా మంచి విజయాన్ని అందుకొని ప్రేక్షకుల నుండి , విమర్శకుల నుండి ప్రశంసలను అందుకుంది. అలాగే ఈ మూవీ ని తెరకెక్కించిన విధానానికి యంగ్ డైరెక్టర్ ప్రశాంత్ వర్మకు అద్భుతమైన గుర్తింపు లభించింది. ఆ తర్వాత ఈయన రాజశేఖర్ హీరోగా కల్కి అనే సినిమాకు దర్శకత్వం వహించాడు. సస్పెన్స్ థ్రిల్లర్ మూవీ గా రూపొందిన ఈ సినిమా ప్రేక్షకులను పెద్దగా ఆకట్టుకోలేదు.
ఆ తర్వాత ఈ దర్శకుడు జాంబి రెడ్డి మూవీ తో సూపర్ సక్సెస్ ను అందుకున్నాడు. ఇకపోతే తాజాగా ఈయన "ప్రశాంత్ వర్మ సినిమాటిక్ యూనివర్స్" అనే సిరీస్ లో భాగంగా హనుమాన్ అనే మూవీ ని తెరకెక్కించాడు. ఈ మూవీ ఈ సంవత్సరం జనవరి 12 వ తేదీన సంక్రాంతి పండగ సందర్భంగా తెలుగు , తమిళ , కన్నడ , మలయాళ , హిందీ భాషలలో విడుదల అయ్యి అద్భుతమైన విజయాన్ని అందుకుంది. ఇందులో తేజ సజ్జ హీరోగా నటించగా ... అమృత అయ్యార్ హీరోయిన్ గా నటించింది.
ఈ మూవీ తాజాగా విజయవంతంగా 100 రోజులను పూర్తి చేసుకుంది. దానితో ఈ మూవీ యూనిట్ ఓ ఈవెంట్ ను నిర్వహించింది. ఆ ఈవెంట్ లో భాగంగా ప్రశాంత్ వర్మ మాట్లాడుతూ ... ప్రశాంత్ వర్మ సినిమాటిక్ యూనివర్స్ లో చాలా మంది కొత్తవారిని పరిచయం చేయబోతున్నాం. దీని కోసం అన్ని ఇండస్ట్రీ ల నుండి స్టార్ నటులను కూడా ఎంపిక చేస్తామన్నారు. తన సినిమా నచ్చి పలువురు నటులు యూనివర్సిటీలో భాగం అవ్వాలని అడిగినట్లుగా కూడా ప్రశాంత్ పేర్కొన్నారు. ఇక హనుమాన్ మూవీ కి కొనసాగింపుగా జై హనుమాన్ మూవీ రాబోతుంది. ఈ సినిమా అన్ని భాగాల్లో అద్భుత స్థాయిలో ఉంటుంది అని ప్రశాంత్ వర్మ తాజాగా చెప్పుకొచ్చాడు.