హిందీ తో పాటు చాలా భాషల్లో రిలీజ్ కి రెడీ అయిన "రజాకార్"..!
కొన్ని రోజుల క్రితమే తెలుగులో విడుదల అయ్యి బాక్స్ ఆఫీస్ దగ్గర భారీ కలెక్షన్ లను వసూలు చేయలేక పోయినప్పటికీ విమర్శకుల నుండి మంచి ప్రశంశలు పొందిన సినిమాగా నిలిచింది రజాకార్. ఈ సినిమా తెలంగాణ ప్రాంతంలో జరిగిన కొన్ని పోరాటాలను దృష్టిలో పెట్టుకుని చిత్రీకరించారు. ఇకపోతే ఇందులోని కొన్ని సన్నివేశాలు అద్భుతంగా ఉన్నాయి అని ... ఆ సన్నివేశాలకు కంటినిండా నీళ్లు తిరిగాయి అని అనేక మంది జనాలు కూడా చెప్పుకొచ్చారు.
అలా కొంత మంది ప్రేక్షకుల నుండి , విమర్శకుల నుండి ప్రశంసలను అందుకున్న ఈ సినిమాని మరికొన్ని రోజుల్లోనే హిందీ తో పాటు మరికొన్ని భాషల్లో కూడా విడుదల చేయనున్నారు. తాజాగా అందుకు సంబంధించిన అధికారిక ప్రకటన వెలుడింది. ఈ మూవీ మేకర్స్ తాజాగా ఈ సినిమాని హిందీ , మరాఠీ సహా మన దక్షిణాది భాషల్లో కూడా ఈ ఏప్రిల్ 26 న రిలీజ్ చేస్తున్నట్టుగా ఇప్పుడు అనౌన్స్ చేశారు.
ఇక ఈ చిత్రాన్ని పనోరమా స్టూడియోస్ వారు నేషనల్ వైడ్ గా గ్రాండ్ గా రిలీజ్ చేస్తున్నారు. మరి భీమ్స్ సిసిరోలియో సంగీతం అందించిన ఈ చిత్రాన్ని గూడూరు నారాయణ రెడ్డి నిర్మాణం వహించారు. బాబీ సింహా , వేదిక , అనసూయ భరద్వాజ్ తదితరులు ముఖ్య పాత్రల్లో నటించిన ఈ సినిమాకి యాట సత్యనారాయణ దర్శకత్వం వహించాడు. మరి ఇప్పటికే తెలుగు ప్రేక్షకులను బాగా అలరించిన ఈ సినిమా ఇతర భాష ప్రేక్షకులను ఏ స్థాయిలో అలరిస్తుందో తెలియాలి అంటే ఏప్రిల్ 26 వ తేదీ వరకు వేచి చూడాల్సిందే . ఈ సినిమాలో ముఖ్య పాత్రలలో నటించిన బాబీ సింహా , వేదిక , అనసూయ భరద్వాజ్ నటనలకు కూడా ప్రేక్షకుల నుండి , విమర్శకుల నుండి మంచి ప్రశంసలు దక్కాయి.