షారుఖ్ కొడుకు స్కూల్ ఫీజు తెలిస్తే మతిపోవాల్సిందే?
బాలీవుడ్ లో టాప్ హీరోగా షారుఖ్ ఖాన్ ఎప్పటినుంచో కొనసాగుతున్నాడు. ఎన్నో సూపర్ హిట్ చిత్రాలు చేసి ప్రపంచవ్యాప్తంగా కొన్ని కోట్లాది మంది అభిమానుల హృదయాలలో తనకంటూ ఓ ప్రత్యేక స్థానం సంపాదించుకున్నాడు షారుఖ్ ఖాన్.ఒక దశలో వరుస డిజాస్టర్లతో సతమతమైన షారుఖ్.. గత సంవత్సరం సాలీడ్ కంబ్యాక్ ఇచ్చాడు. పఠాన్, జవాన్ సినిమాలతో మరోసారి బాక్సాఫీస్ ను షేక్ చేశాడు. ఈ రెండు చిత్రాలు రూ. 1000 కోట్లకు పైగా వసూళ్లు రాబట్టాయి. షారుఖ్ ఖాన్ నికర ఆస్తులు విలువ దాదాపు రూ. 6000 కోట్లకు పైగా ఉంటుంది. షారుక్ ఖాన్ 1991లో తన స్నేహితురాలు గౌరీ ఖాన్‌ను వివాహం చేసుకున్నాడు. ఇక వీరికి ముగ్గురు పిల్లలు జన్మించారు. పెద్ద కొడుకు ఆర్యన్ 1997లో జన్మించగా.. కూతురు సుహానా 2000లో జన్మించింది. వీరిద్దరి తర్వాత 13 సంవత్సరాలకు సరోగసీ తర్వాత అబ్రామ్కు స్వాగతం పలికారు. ఇప్పుడు షారుఖ్ ఖాన్ చిన్న కుమారుడు అబ్రామ్ కు సంబంధించిన ఓ న్యూస్ సోషల్ మీడియాలో వైరలవుతుంది.అబ్రామ్ ప్రస్తుతం ముంబైలోని ధీరూభాయ్ అంబానీ ఇంటర్నేషనల్ స్కూల్లో చదువుకుంటున్నాడు. ఇప్పటి దాకా స్కూల్లో జరిగే అన్ని పోటీలు, కార్యక్రమాల్లో చురుగ్గా పాల్గొంటున్నాడు. ఈ మధ్య జరిగిన ధీరూభాయ్ అంబానీ స్కూల్ వార్షికోత్సవ వేడుకలలోనూ పాల్గొన్నాడు. తన తండ్రి షారుఖ్ ఖాన్ సిగ్నేచర్ ఫోజ్ తో అందరిని ఆశ్చర్యపరిచాడు.
ఇదే స్కూల్ లో సైఫ్ అలీ ఖాన్, కరీనా కపూర్ తనయులు.. ఐశ్వర్య రాయ్ కూతురు ఆరాద్య కూడా చదువుకుంటున్నారు. అయితే ఈ స్కూల్లో చదివే స్టార్ కిడ్స్ స్కూల్ ఫీజులు తెలిస్తే మాత్రం ఖచ్చితంగా గుండె ఆగిపోవాల్సిందే.ఎల్‌కెజి నుండి 7వ తరగతి దాకా నెలవారీ ఫీజు దాదాపు రూ.1.70 లక్షలుపైగానే ఉంటుంది. అలాగే 8వ తరగతి నుంచి పదవ తరగతి దాకా నెలవారీ ఫీజు రూ.4.48 లక్షలు.ఇక 11వ, 12వ తరగతి ఫీజు దాదాపు రూ.9.65 లక్షలు. స్కూల్ ఫీజు స్ట్రక్చర్ ప్రకారం అబ్రామ్ సంవత్సరానికి ఫీజు దాదాపు రూ.20.40 లక్షలు ఉంటుంది. ధీరూభాయ్ అంబానీ ఇంటర్నేషనల్ స్కూల్ భారతదేశంలోని అత్యుత్తమ స్కూళ్లలో ఒకటి. 2003లో ముఖేష్ అంబానీ భార్య నీతా అంబానీ ఈ స్కూల్ ని స్థాపించారు. 1,30,000 చదరపు అడుగుల విస్తీర్ణంలో ఉన్న ఈ స్కూల్ ని ఆధునిక సౌకర్యాలతో నిర్మించారు. మొత్తం 7 అంతస్తుల భవనంలో ప్లే గ్రౌండ్, ఇంటర్నెట్ సౌకర్యం, టెర్రస్ గార్డెన్, రూఫ్ గార్డెన్ ఇంకా టెన్నిస్ కోర్ట్ ఉన్నట్లు సమాచారం తెలుస్తుంది. ఈ స్కూల్ ప్రత్యేకంగా పెద్ద వ్యాపారస్తుల కోసం ఇంకా సెలెబ్రెటీలు కోసం కట్టారు.