ప్రభుదేవా - రెహమాన్ కాంబినేషన్ రిపీట్?
స్టార్ కొరియోగ్రాఫర్ ప్రభుదేవా ఇంకా స్టార్ మ్యూజిక్ డైరెక్టర్ ఏ ఆర్ రెహమాన్ కలయికలో చాలా సినిమాలు రిలీజ్ అయ్యాయి. ప్రేమికుడు ఇంకా జెంటిల్మెన్ అప్పట్లో ఎంత పెద్ద హిట్ అయ్యాయో తెలిసిందే. మ్యూజికల్ గా సంచలనం సృష్టించిన సినిమా లు కల్ట్ హిట్ గా నిలిచాయి.వీరి ఇద్దరి కాంబినేషన్ లో 1990 ల్లో ఐదు సినిమాలు వచ్చాయి.అవన్నీ కూడా సూపర్ డూపర్ హిట్టయ్యాయి. లవ్ బర్డ్స్, మిస్టర్ రోమియో ఇంకా మెరుపు కలలు లాంటి సినిమాలు వీరి కాంబినేషన్ లో వచ్చాయి.అయితే ఈ సినిమాలన్నీ కూడా మ్యూజికల్ పెద్ద బ్లాక్ బస్టర్ విజయం సాధించినవే. ప్రభుదేవా అంత గొప్ప ఇంటర్నేషనల్ డాన్సర్ అయ్యాడంటే? దానికి ఒక కారణం రెహమాన్ పాటలతోనే సాధ్యమైంది అన్నది కూడా వాస్తవం.ఇప్పుడు ఇండియన్ మైఖెల్ జాక్సన్ గా గుర్తింపు పొందాడంటే? రెహమాన్ బీట్స్ తోనే ఆ రేంజ్ కి చేరుకున్నారు. అలాంటి బీట్స్ లేకపోతే షేక్ చేసే స్టెప్పులు సాధ్యం అయ్యేవి కావు.
తాజాగా ఏ ఆర్ రెహమాన్- ప్రభుదేవా ఆరవ ప్రాజెక్ట్ కోసం 25 ఏళ్ల తర్వాత చేతలు కలుపుతున్నారు. ఈ మూవీకి ఏఆర్ఆర్పీడీ-6 అంటూ ఏఆర్ రెహమాన్ ప్రభుదేవా పేర్లు వచ్చేలా ఓ టైటిల్ ని పెట్టారు. ఈ సినిమాని మనోజ్ ఎస్ పీఎస్ తెరకెక్కిస్తున్నాడు. దివ్య మనోజ్-ప్రవీణ్ ఎలాక్ లతో కలిసి ఈ మూవీని నిర్మిస్తున్నారు. అయితే ఏ ఆర్ రెహమాన్ ఇంకా ప్రభుదేవా కాంబినేషన్ లో శంకర్ ఉంటే బాగుండు అనే అభిప్రాయాలు కూడా ఇప్పుడు ఫ్యాన్స్ నుంచి వ్యక్తం అవుతున్నాయి. ఈ ముగ్గురు ఉంటే? ఆ సినిమా రికార్డ్స్ బద్దలు కొట్టి నెక్స్ట్ లెవల్లో ఉండేదంటూ ఫ్యాన్స్ కామెంట్స్ చేస్తున్నారు.మరి సూపర్ హిట్ కాంబినేషన్ మధ్యలోకి కొత్త మేకర్ వచ్చిన నేపథ్యంలో ఎలాంటి సినిమా చేస్తాడో? చూడాలి. ప్రస్తుతం ప్రభుదేవా నటనతో పాటు దర్శకుడిగా కూడా కొనసాగుతోన్న సంగతి తెలిసిందే. సౌత్ కంటే బాలీవుడ్ లో ఎక్కువ సినిమాలు చేసే ప్లాన్ లో ఉన్నాడు. అవసరం మేర ముఖ్యమైన సినిమాలకు ప్రభుదేవా కొరియోగ్రఫీ కూడా చేస్తున్నారు. ఇక రెహ్మాన్, ప్రభుదేవా కాంబినేషన్ ఈసారి పాత సినిమాల లాగా వర్క్ ఔట్ అవుతుందో లేదో చూడాలి.