బన్నీతో చేయడం ఇష్టం లేక.. జులాయిలో సోను సూద్ పాత్రను ఆ టాలీవుడ్ హీరో వదులుకున్నాడా?
ఈ సినిమాలోని పాత్రలు డైలాగులు పాటలు అబ్బో చెప్పుకుంటూ పోతే వంక పెట్టడానికి ఒక్క కారణం కూడా దొరకదు జులాయి సినిమాకి. అయితే ఈ మూవీలో హీరోగా చేసిన అల్లు అర్జున్ పాత్ర ఎంతలా అయితే ప్రేక్షకులకు బాగా కనెక్ట్ అయిపోయిందో ఇక విలన్ పాత్రలో నటించిన సోను సూద్ క్యారెక్టర్ కూడా అంతే ప్రేక్షకులకు ఎక్కేసింది అని చెప్పాలి. ఆ పాత్రను సోనుసూ తప్ప మరొకరు చేయలేరేమో అనేంతగా పాత్రకి ప్రాణం పోశాడు సోను సూద్. అయితే ఇక మాటలు మాంత్రికుడు త్రివిక్రమ్ మాత్రం ముందుగా ఈ పాత్ర కోసం మరొక నటుడిని అనుకున్నాడట. ఏకంగా అక్కినేని సుమంత్ ని ఈ పాత్ర కోసం అప్రోచ్ అయ్యాడట.
అయితే సుమంత్ మాత్రం ఈ సినిమాలో నటించడానికి ఇష్టపడలేదట. విలన్ పాత్రలో నటించబోను అంటూ తేల్చి చెప్పేసాడట. పైగా అల్లు అర్జున్ లాంటి పెద్ద హీరో సినిమాలో విలన్ పాత్రలో నటిస్తే కెరియర్ మొత్తం పాడవుతుందని భయపడిపోయాడట సుమంత్. దీంతో పాత్రను రిజెక్ట్ చేసాడట. దీంతో అల్లు అర్జున్ అంటే ఇష్టం లేకనే సుమంత్ ఈ పాత్రను రిజెక్ట్ చేసాడని అప్పట్లో ప్రచారం కూడా జరిగింది. ఇక సుమంత్ మిస్ చేసుకున్న పాత్ర సోను సూద్ కి దక్కగా ఆ పాత్రకి ప్రాణం పోశాడు అతను. ఇక జులై సినిమా విడుదలైన తర్వాత సుమంత్ ఈ పాత్ర చేయకపోవడమే మంచిదైంది. ఎందుకంటే సోను సూద్ నటన ను సుమంత్ మరిపించలేకపోయే వాడేమో అని అందరూ అభిప్రాయం వ్యక్తం చేశారు.