'హరిహర వీరమల్లు' సినిమా నుంచి తప్పుకున్న క్రిష్
పవన్ సినిమా నుంచి తప్పుకున్న క్రిష్
'హరిహర వీరమల్లు' సినిమాని 2020లో మొదలుపెట్టారు. అప్పటినుంచి ఇప్పటివరకు రకరకాల కారణాలతో వాయిదా పడుతూ వస్తోంది. పవన్ ఈ సినిమా కోసం పవన్ ఇచ్చిన డేట్స్ ని క్రిష్ పర్ఫెక్ట్ గా ప్లాన్ చేసుకుని షూటింగ్ చేయడంలో విఫలమయ్యాడని ఇండస్ట్రీ వర్గాల సమాచారం. ఇప్పటికే కొంత భాగం షూటింగ్ పూర్తి చేసుకున్న ఈ మూవీ అవుట్ పుట్ చూసి పవన్ అసంతృప్తిగా ఉన్నారని, కొన్ని సన్నివేశాలను రీ షూట్ చేసినా కూడా పవన్ కి నచ్చలేదని చెబుతున్నారు. ఇక ఇప్పుడు క్రిష్, పవన్ కళ్యాణ్ మధ్య క్రియేటివ్ డిఫరెన్స్ లు, దానికి తోడు బడ్జెట్ సమస్యలు అలాగే పవన్ కళ్యాణ్ తన పొలిటికల్ కమిట్మెంట్స్ తో బిజీగా ఉండడంతో ఈ ప్రాజెక్టు మరుగున పడిపోయింది. ఇప్పటికే ఈ ప్రాజెక్టు కోసం నిర్మాత ఏఎం. రత్నం చాలా ఖర్చు పెట్టాడు. ఈ క్రమంలోనే డైరెక్టర్ క్రిష్ ఈ సినిమా నుంచి దర్శకుడిగా తప్పుకున్నారని ఓ వార్త బయటకు వచ్చింది. అంతేకాదు ఆయన స్థానంలో మరో డైరెక్టర్ 'హరిహర వీరమల్లు' పెండింగ్ షూటింగ్ పూర్తి చేయబోతున్నట్లు విశ్వసనీయ వర్గాల సమాచారం.
అనుష్క తో లేడీ ఓరియెంటెడ్ ప్రాజెక్ట్
'హరిహర వీరమల్లు' సినిమా నుంచి తప్పుకున్న డైరెక్టర్ క్రిష్ ప్రస్తుతం అనుష్క ప్రధాన పాత్రలో ఓ లేడీ ఓరియంటెడ్ ప్రాజెక్ట్ చేయబోతున్నారట. క్రిష్ ఇప్పటికే క స్క్రిప్ట్ కంప్లీట్ చేస్తారని, ఈ UV క్రియేషన్స్ బ్యానర్ లో ఈ సినిమా ఉండబోతుందని టాక్ వినిపిస్తోంది. త్వరలోనే ఈ ప్రాజెక్టుకు సంబంధించి అధికారిక ప్రకటన వచ్చే అవకాశం ఉంది.