ప్రభాస్ 'సలార్' లో గెస్ట్ రోల్ చేస్తున్న స్టార్ హీరో..!!
భారీ బడ్జెట్ చిత్రాల్లో ఇతర అగ్ర హీరోలు గెస్ట్ రోల్స్ చేస్తున్న విషయం తెలిసిందే. బాలీవుడ్(Bollywood) లో మొదలైన ఈ ట్రెండ్ ఇప్పుడు సౌత్ సినిమాల్లో ఎక్కువగా నడుస్తుంది. మూవీ రిలీజ్ కి ముందే ఫలానా హీరో గెస్ట్ రోల్ చేస్తున్నారంటూ సినిమాపై ఓ రేంజ్ లో హైప్ పెంచేస్తున్నారు. దీంతో ఆ హీరో ఫ్యాన్స్ అంతా నిజంగానే సినిమాలో ఎక్కడ కనిపిస్తాడనే ఆశతో థియేటర్స్ కి పరుగులు పెడుతుంటారు. రీసెంట్ గా సల్మాన్ ఖాన్(Salman Khan) నటించిన 'టైగర్ 3'(Tiger 3) లో ఎన్టీఆర్(NTR) గెస్ట్ అప్పీరియన్స్ ఉంటుందని ప్రచారం జరిగింది. దానికంటే ముందు లోకేష్ కనగరాజ్ 'లియో'(Leo) మూవీలో రామ్ చరణ్ (Ram Charan) క్లైమాక్స్ లో ఎంట్రీ ఇవ్వబోతున్నట్లు న్యూస్ వచ్చింది.
కానీ అవేవీ జరగలేదు. ఇక ఇప్పుడు ప్రభాస్ సలార్ మూవీలోనూ ఓ అగ్ర హీరో గెస్ట్ రోల్ చేస్తున్నట్లు వార్తలు వస్తున్నాయి. ఆ హీరో మరెవరో కాదు 'కేజీఎఫ్' హీరో యశ్(KGF hero Yash). ప్రశాంత్ నీల్ తెరకెక్కిస్తున్న 'సలార్' లో కేజీఎఫ్ హీరో యశ్ కనిపించబోతున్నట్లు ప్రచారం జరుగుతుంది. ముఖ్యంగా కన్నడ మీడియా వర్గాల్లో ఈ న్యూస్ వైరల్ అవుతుంది. సలార్ లో యశ్ క్యామియో ఉండబోతుందని చెబుతున్నారు. 'సలార్' మూవీని ప్రశాంత్ మల్టీవర్స్ తరహాలో తెరపైకి తీసుకురాబోతున్నట్లు ఇప్పటికే టాక్ వినిపించింది. రీసెంట్ గా రిలీజ్ అయిన టీజర్, పోస్టర్స్ చూస్తే 'కేజిఎఫ్' మూవీకి సలార్ లింక్ అయి ఉందని అందరూ అనుకుంటున్నారు.
వీటన్నింటినీ బట్టి చూస్తే సలార్ లో యశ్ గెస్ట్ రోల్ నిజమే అయ్యుంటుంది అని పలువురు అభిప్రాయపడుతున్నారు. ఒకవేళ ఇదే కనుక నిజమై, ప్రభాస్, యశ్ ఇద్దరూ ఒకే ఫ్రేమ్ లో కనిపిస్తే థియేటర్స్ లో గూస్ బంప్స్ గ్యారంటీ అని చెప్పొచ్చు. మరి నిజంగానే సలార్ లో యశ్ గెస్ట్ రోల్ చేస్తున్నాడా? డైరెక్టర్ ప్రశాంత్ నీల్ సలార్ మూవీని 'కేజిఎఫ్' తో లింక్ పెట్టాడా? అనేది తెలియాలంటే డిసెంబర్ 22 వరకు వేచి చూడాల్సిందే.