దుల్కర్ కోసం ఐటెమ్ సాంగ్ చెయ్యడానికి రెడీ అయిన స్టార్ హీరోయిన్..!?
ఇటీవల తెలుగు ప్రేక్షకుల్ని అలరించిన దుల్కర్ సల్మాన్ ఇప్పుడు గ్యాంగ్స్టర్ అవతారం ఎత్తాడు.ఇక 'కింగ్ ఆఫ్ కోతా'గా తెరకెక్కుతున్న ఓ సినిమాలో దుల్కర్ గ్యాంగ్స్టర్ అవుతున్నాడు.ఇలాంటి బ్యాక్డ్రాప్ సినిమాల్లో ఐటెమ్ సాంగ్ లేకపోతే ఎలా చెప్పండి.అయితే అందుకే ఓ బాక్సర్తో స్పెషల్ సాంగ్ చేయించాలని చూస్తున్నారు. ఏంటీ.. బాక్సర్తో ఐటెమ్ సాంగా? అదెలా అనుకుంటున్నారా? ఆమె మాజీ బాక్సర్ లెండి.. సినిమాల్లో బాక్సర్గానే ఎంట్రీ ఇచ్చి, ఇప్పుడు హీరోయిన్ వరుస సినిమాలు చేస్తోంది.ఇక ఇప్పటికే మీకు అర్థమైపోయుంటుంది ఎవరి గురించి చెబుతున్నామో 'సాలా ఖడూస్'తో సినిమాల్లోకి ఎంట్రీ ఇచ్చిన రితికా సింగ్ గురించే ఇదంతా.
ఇక ఓ సమయంలో కెరీర్లో దూసుకుపోతుంది అని అనిపించినా.. తెలియకుండానే స్లో అయిపోయింది రితికా. అయితే వచ్చే ఏడాది ఈ అమ్మడి నుండి వరుస సినిమాలు రెడీ అవుతున్నాయి. అయితే ఈ క్రమంలోనే స్పెషల్ సాంగ్స్కి కూడా ఓకే చెప్పింది. ఇక అందులో భాగంగానే దుల్కర్ సల్మాన్ సినిమా 'కింగ్ ఆఫ్ కోతా'లో స్పెషల్ సాంగ్లో ఆడిపాడనుంది.కాగా 'కింగ్ ఆఫ్ కోతా'తో సినిమాలో హీరోగా నటిస్తూ, స్వయంగా నిర్మిస్తున్నాడు దుల్కర్ సల్మాన్. దుల్కర్ స్నేహితుడు అభిలాష్ జోషి ఈ సినిమాను తెరకెక్కిస్తున్నారు. అయితే ఐశ్వర్య లక్ష్మీ కథానాయికగా తెరకెక్కుతున్న ఈ సినిమా కోసమే
రితికా సింగ్ను ఐటెమ్ భామగా రంగంలోకి దించింది చిత్ర బృందం.కాగా రామనాథపురంలో వేసిన భారీ సెట్లో దుల్కర్, రితికాపై స్పెషల్ సాంగ్ను షూట్ చేశారని తెలిసింది.ఇక గ్యాంగ్స్టర్ కథాంశంతో రూపొందుతోన్న ఈ సినిమాను వచ్చే ఏడాది ప్రథమార్ధంలో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.ఇదిలావుంటే బాక్సర్గా రాణిస్తున్న సమయంలోనే 'సాలా ఖడూస్'తో నాయికగా మారిన రితికా.. ఆ తర్వాత వరుస సినిమాలు చేసినా ఆ సినిమా ఇచ్చిన స్థాయి విజయం రాలేదు. రితికా రాబోయే సినిమాల సంగతి చూస్తే.. 'బాక్సర్', 'పిచైక్కరణ్ 2', 'వనన్గముడి', 'కోలాయి' తదితర తమిళ సినిమాల్లో నటిస్తోంది.ఇక వీటితోపాటు ఇతర భాషల్లో కొన్ని సినిమాలు చర్చల దశలో ఉన్నాయట..!!