RC15: ఆగిపోయినట్టేనా?
"ఆర్ ఆర్ ఆర్" వంటి సెన్సేషనల్ హిట్ తర్వాత మంచి ఊపు మీదున్న మెగా పవర్ స్టార్ రామ్ చరణ్ తన తదుపరి చిత్రం సౌత్ ఇండియన్ సెన్సేషనల్ డైరెక్టర్ శంకర్ తో చేస్తున్న సంగతి మన అందరికి కూడా తెలిసిందే. ఇప్పటికే ఈ సినిమాకి సంబంధించి మొత్తం 60 శాతం కి పైగా షూటింగ్ కార్యక్రమాలు కూడా పూర్తి అయ్యాయి..టాలీవుడ్ ప్రముఖ నిర్మాత అయిన దిల్ రాజు ఈ సినిమాని తన 50 వ సినిమాగా అత్యంత ప్రతిష్టాత్మకంగా తెరకెక్కిస్తున్నాడు.అయితే ఈ సినిమాకి సంబంధించి రోజుకో వార్త బయటకి వస్తూ మెగా పవర్ స్టార్ రామ్ చరణ్ అభిమానులను కంగారు పెడుతుంది..నిన్న మొన్నటి దాకా అసలు ఏమాత్రం గ్యాప్ లేకుండా షూటింగ్ ని జరుపుకున్న ఈ చిత్రం గత కొంత కాలం నుండి తాత్కాలికంగా నిలిచిపోయింది..దానికి కారణం విశ్వ నటుడు కమల్ హాసన్ ‘ఇండియన్ 2 ‘ చిత్రం..రెండేళ్ల క్రితం ఘనంగా ప్రారంభమైన ఈ సినిమా షూటింగ్ అనేది ఇక కొన్ని అనుకోని కారణాల వల్ల మధ్యలోనే ఆపేయాల్సి వచ్చింది..ఆ చిత్ర నిర్మాత అయితే శంకర్ ఇండియన్ 2 పూర్తి కాకముందే మెగా పవర్ స్టార్ రామ్ చరణ్ సినిమాకి షిఫ్ట్ అయ్యాడని..దీనిపై కఠిన చర్యలు తీసుకోవాలంటూ కూడా కోర్టు లో కేసు కూడా వేసాడు.
మొత్తానికి ఈ సినిమాకి సంబంధించి సమస్యలన్నీ తొలగిపోయి నిన్ననే మళ్ళీ రెగ్యులర్ షూటింగ్ తిరిగి ప్రారంబించుకుంది..ఈ విషయాన్నీ స్వయంగా డైరెక్టర్ శంకర్ తన సోషల్ మీడియా ద్వారా అభిమానులకు తెలియచేసాడు..వెంటనే రామ్ చరణ్ ఫ్యాన్స్ ‘మా హీరో సినిమా పరిస్థితి ఏమిటి..మళ్ళీ షూటింగ్ ఎప్పుడు ప్రారంభిస్తారు’ అని అడగడం ప్రారంభించారు..అయితే ఇండస్ట్రీ లో అందుతున్న సమాచారం ఏమిటి అంటే..ఇండియన్ 2 సినిమా పూర్తి చేసేంత వరుకు రామ్ చరణ్ తో చెయ్యబొయ్యే సినిమా రెగ్యులర్ షూటింగ్ ని స్టార్ట్ చెయ్యడట డైరెక్టర్ శంకర్..ఇండియన్ 2 సినిమాని పూర్తి చెయ్యడానికి ఇంకా 5, 6 నెలల సమయం పడుతుందట..అప్పటి వరుకు రామ్ చరణ్ సినిమా షూటింగ్ హోల్డ్ లోనే ఉంటుందని సమాచారం తెలుస్తుంది.