కార్తికేయ మూవీ కి మరిన్ని సీక్వెల్స్ వస్తాయి... నిఖిల్..!
టాలీవుడ్ యువ హీరో నిఖిల్, శేఖర్ కమ్ముల దర్శకత్వంలో తెరకెక్కిన హ్యాపీ డేస్ మూవీ తో వెండి తెరకు పరిచయం అయ్యాడు. హ్యాపీ డేస్ మూవీ తర్వాత ఎన్నో మూవీ లలో హీరోగా నటించిన నిఖిల్ కి స్వామి రారా మూవీ తో అద్భుతమైన విజయం బాక్సా ఫీస్ దగ్గర లభించింది. స్వామిరారా తర్వాత నిఖిల్ బాక్సా ఫీస్ దగ్గర కార్తికేయ , ఎక్కడికి పోతావు చిన్నవాడా వంటి మూవీ లతో మంచి విషయాలను అందుకొని తెలుగు సినిమా ఇండస్ట్రీ లో తనకంటూ ఒక ప్రత్యేక స్థానాన్ని ఏర్పరుచుకున్నాడు.
ఇది ఇలా ఉంటే నిఖిల్ కెరీర్ లో బ్లాక్ బస్టర్ మూవీ గా నిలిచిన కార్తికేయ మూవీ కి సీక్వెల్ గా తెరకెక్కిన కార్తికేయ 2 మూవీ లో నిఖిల్ హీరోగా నటించిన విషయం మనకు తెలిసిందే. ఈ మూవీ ఆగస్ట్ 13 వ తేదీన థియేటర్ లలో విడుదలయ్యింది. ఈ మూవీ కి బాక్సా ఫీస్ దగ్గర బ్లాక్ బస్టర్ టాక్ లభించడంతో ప్రస్తుతం ఈ మూవీ కి అదిరిపోయే కలెక్షన్ లు వస్తున్నాయి. ఇది ఇలా ఉంటే తాజాగా ఇంగ్లీష్ మీడియా ఇంటర్వ్యూలో పాల్గొన్న నిఖిల్ కార్తికేయ 2 మూవీ గురించి కొన్ని ఆసక్తికరమైన విషయాలను తెలియజేశాడు.
తాజా ఇంటర్వ్యూలో నిఖిల్ మాట్లాడుతూ ... కార్తికేయ 2 సినిమా కి వస్తున్న ఆదరణను ఊహించలేదు అని , తమ టీం అంతా కూడా ఆశ్చర్య పోతుందని నిఖిల్ తెలియజేశాడు. అలాగే సాహసాలతో మిస్టరీలను ఛేదించే ఉత్సాహం ఉన్నా డాక్టర్ కార్తీక్ పాత్ర కొనసాగుతూనే ఉంటుంది అని , మన దేశ సంస్కృతిలో ఎవరికీ తెలియని ఎన్నో కథలు ఉన్నాయని, వాటిని స్ఫూర్తిగా తీసుకొని మరెన్నో భాగాలతో మీ ముందుకు వస్తాం అని నిఖిల్ తాజా ఇంటర్వ్యూలో తెలియజేశాడు.