300 మంది డాన్సర్లతో అన్ని రోజుల పాటు చిత్రీకరించిన పొన్నియన్ సెల్వన్ మూవీ సాంగ్..!
ఇండియా వ్యాప్తంగా దర్శకుడిగా తనకంటూ ఒక ప్రత్యేక క్రేజ్ ను ఏర్పాటు చేసుకున్న మణిరత్నం ప్రస్తుతం పొన్నియన్ సెల్వన్ అనే సినిమాకు దర్శకత్వం వహిస్తున్న విషయం మన అందరికీ తెలిసిందే. ఈ మూవీ లో చియన్ విక్రమ్ , కార్తీ , జయం రవి , ఐశ్వర్య రాయ్ , త్రిష లాంటి హేమాహేమీలు అయిన నటీనటులు నటిస్తున్నారు.
పొన్నియన్ సెల్వన్ మూవీ రెండు భాగాలుగా తెరకెక్కుతోంది. అందులో మొదటి భాగాన్ని ఈ సంవత్సరం సెప్టెంబర్ 30 వ తేదీన విడుదల చేయనున్నట్లు చిత్ర బృందం ఇప్పటికే అధికారికంగా ప్రకటించింది. ఇది ఇలా ఉంటే మణిరత్నం లాంటి గొప్ప దర్శకుడు ఈ మూవీ కి దర్శకత్వం వహిస్తూ ఉండటం, చియన్ విక్రమ్ , కార్తీ , జయం రవి , ఐశ్వర్య రాయ్ , త్రిష లాంటి హేమాహేమీలు అయినా నటీనటులు ఈ మూవీ లో నటిస్తూ ఉండటంతో ఈ మూవీ పై ఇప్పటికే దేశవ్యాప్తంగా మంచి అంచనాలు నెలకొన్నాయి. ఈ సినిమాను మణిరత్నం పాన్ ఇండియా సినిమా గా తెరకెక్కిస్తున్నాడు. ఈ మూవీ ని తమిళ , తెలుగు , మలయాళ , కన్నడ , హిందీ భాషల్లో సెప్టెంబర్ 30 వ తేదీన విడుదల చేయనున్నారు.
కొన్ని రోజుల క్రితమే ఈ సినిమా నుండి చిత్ర బృందం టీజర్ ను విడుదల చేయగా ఆ టీజర్ కి మంచి రెస్పాన్స్ లభించింది. ఇది ఇలా ఉంటే తాజాగా ఈ సినిమాకు సంబంధించిన ఒక ఆసక్తికరమైన అప్డేట్ బయటకు వచ్చింది. ఈ మూవీ లోని ఒక పాటను 300 మంది డాన్సర్లతో 25 రోజుల పాటు చిత్రీకరించినట్లు తెలుస్తోంది. ఈ 300 మంది డాన్సర్ లలో 100 మంది డాన్సర్ లను ప్రత్యేకంగా ముంబై నుండి రప్పించినట్లు సమాచారం. ఈ సాంగ్ ని మరి కొన్ని రోజుల్లోనే విడుదల చేయనున్నట్లు తెలుస్తోంది.