తండ్రిని తలచుకొని ఎమోషనల్ అవుతున్న మెగా బ్రదర్.. కారణం..?
తన తల్లిదండ్రుల పట్ల ఎంతో గౌరవంగా ఉండే నాగబాబు ఎప్పటికప్పుడు వారిపై ప్రేమను వ్యక్తపరుస్తూ ఉంటారు. ముఖ్యంగా తన కుటుంబ సభ్యుల గురించి ఎవరైనా నెగిటివ్ కామెంట్లు చేస్తే వెంటనే స్పందిస్తూ తనదైన శైలిలో వారికి గట్టి కౌంటర్ ఇస్తూ ఉంటారు. ముఖ్యంగా తన తల్లి అంజనాదేవి అంటే నాగబాబుకు ఎంతో గౌరవం. ఇక తన తల్లి పేరుమీద ప్రొడక్షన్ హౌస్ ను స్థాపించి పలు సినిమాలను కూడా నిర్మించారు. ఇక తన తల్లి పుట్టిన రోజు వేడుకలను కూడా ఎంతో ఘనంగా నిర్వహించిన నాగబాబు.. తాజాగా తన తండ్రి పుట్టిన రోజు కావడంతో తండ్రిని తలచుకొని ఎమోషనల్ అయ్యాడు.
ఇక నాగబాబు తండ్రి కొణిదల వెంకట్రావు పోలీస్ కానిస్టేబుల్ విధులు నిర్వహించారు. వృత్తిపరంగా కానిస్టేబుల్ అయినప్పటికీ బాపుగారి దర్శకత్వంలో మంత్రిగారి వియ్యంకుడు అనే చిత్రంలో నటించాడు. 2007లో గుండె సంబంధిత వ్యాధితో ఆయన మరణించారు. ఇకపోతే ఈ రోజు ఆయన జయంతి సందర్భంగా నాగబాబు సోషల్ మీడియా వేదికగా తన తండ్రి ఫోటో షేర్ చేస్తూ.. నువ్వు బ్రతికున్నప్పుడు నీకు పుట్టినరోజు శుభాకాంక్షలు చెప్పాలనే జ్ఞానం నాకు లేదు.. నీకు పుట్టినరోజు శుభాకాంక్షలు నాన్న.. ఇప్పుడు చెప్పాలి అనుకున్నా నువ్వు లేవు.. అంటూ తన తండ్రి తలచుకొని ఎమోషనల్ అయ్యారు నాగబాబు.