నాకు పవన్ కళ్యాణ్ తో సినిమా చేయాలని ఉంది...కొరటాల శివ..!
టాలీవుడ్ ఇండస్ట్రీలో ఇప్పటి వరకు ఒక్క అపజయాన్ని కూడా బాక్సాఫీస్ దగ్గర ఎదుర్కోకుండా వరుస విజయాలతో దూసుకుపోతూ టాలీవుడ్ ఇండస్ట్రీలో ఉన్న టాప్ దర్శకులలో ఒకరు గా కొనసాగుతున్న కొరటాల శివ గురించి ప్రత్యేకంగా సినీ ప్రేక్షకులకు పరిచయం చేయాల్సిన అవసరం లేదు. రెబల్ స్టార్ ప్రభాస్ హీరోగా తెరకెక్కిన మిర్చి సినిమాతో దర్శకుడిగా కెరియర్ ని మొదలు పెట్టిన కొరటాల శివ ఆ తరువాత దర్శకత్వం వహించిన శ్రీ మంతుడు , జనతా గ్యారేజ్ , భరత్ అనే నేను సినిమాలతో టాలీవుడ్ ఇండస్ట్రీ టాప్ దర్శకులలో ఒకరుగా మారిపోయాడు. కొరటాల శివ 'భరత్ అనే నేను' సినిమా తర్వాత మెగాస్టార్ చిరంజీవి హీరోగా తెరకెక్కిన ఆచార్య సినిమా దర్శకత్వం వహించాడు.
ఈ సినిమా ఈ నెల 29 వ తేదీన గ్రాండ్ గా విడుదలకు సిద్ధం అవుతోంది. ఇది ఇలా ఉంటే ఈ సినిమా విడుదల తేది దగ్గర పడడంతో తాజాగా కొరటాల శివ ఓ ఇంటర్వ్యూ లో పాల్గొన్నాడు. ఈ ఇంటర్వ్యూ లో భాగంగా దర్శకుడు కొరటాల శివ అనేక ఆసక్తికరమైన విషయాలను తెలియజేశాడు. ఇంటర్వ్యూ లో భాగంగా కొరటాల శివకు , పవన్ కళ్యాణ్ తో మీ సినిమా ఎప్పుడు ఉంటుంది అనే ప్రశ్న ఎదురవగానే... ఆ ప్రశ్నకు సమాధానం ఇస్తూ కొరటాల శివ... నాకు పవన్ కళ్యాణ్ తో సినిమా చేయాలని ఉంది.
పవన్ కళ్యాణ్ కోసం ప్రత్యేకంగా పొలిటికల్ బ్యాక్ డ్రాప్ లో కథను కూడా సిద్ధం చేశాను. కాకపోతే ఎలక్షన్స్ తో బిజీగా ఉండడం వల్ల మా కాంబినేషన్ వర్కవుట్ కాలేదు. ఇప్పుడు పవన్ కళ్యాణ్ సినిమాలు చేయడం మొదలు పెట్టాడు. మరి తర్వాత ఏం జరుగుతుందో చూద్దాం. అంటూ పవన్ కళ్యాణ్ తో సినిమా గురించి కొరటాల శివ ఆసక్తికరమైన విషయాలను తెలియజేశాడు.