'ఆర్ ఆర్ ఆర్' సినిమాపై ఆగ్రహం వ్యక్తం చేసిన కన్నడ స్టార్ హీరో.. కారణం..?
దర్శక దిగ్గజం ఎస్.ఎస్.రాజమౌళి దర్శకత్వంలో ఎంతో ప్రతిష్టాత్మకంగా తలపెట్టిన 'ఆర్ ఆర్ ఆర్' సినిమా ప్రపంచ వ్యాప్తంగా వేల థియేటర్లలో విడుదలై సంచలన విజయాన్ని అందుకుంది. ఇక పాన్ ఇండియా రేంజ్ లో విడుదలైన ఈ సినిమా ప్రతి భాషలో బ్లాక్బస్టర్ టాక్ ని సంపాదించుకుంది. అయితే కర్ణాటకలో మాత్రం ఈ సినిమా పరిస్థితి కాస్త తారుమారు గా ఉందనే చెప్పాలి. ఇప్పటికే ఎంతో మంది సెలబ్రిటీలు ఆర్ ఆర్ ఆర్ సినిమాపై స్పందిస్తూ ప్రశంసలు కురిపించగా.. కన్నడ సూపర్ స్టార్ శివ రాజ్ కుమార్ మాత్రం తీవ్ర అసహనం వ్యక్తం చేసినట్లు తెలుస్తోంది.
ప్రస్తుతం కర్నాటక రాష్ట్రంలో త్రిబుల్ ఆర్ వర్సెస్ జేమ్స్ అంటూ రెండు సినిమాల మధ్య తీవ్ర వ్యతిరేకత ఏర్పడింది. కన్నడ పవర్ స్టార్ పునీత్ రాజ్ కుమార్ మరణం తర్వాత ఆయన నటించిన చివరి చిత్రం జేమ్స్ ఇటీవలే విడుదలైన విషయం తెలిసిందే. ప్రస్తుతం ఈ సినిమా కర్ణాటకలో అత్యధిక థియేటర్స్ లో విడుదలై ఎంతో విజయవంతంగా ప్రదర్శితం అవుతూ ప్రేక్షకులను ఆకట్టుకుంటోంది. ఇలా ఈ సినిమా థియేటర్స్ లో ప్రదర్శితం అవుతూ ఉండగానే త్రిబుల్ ఆర్ సినిమా విడుదల సందర్భంగా కర్ణాటకలో ఏకంగా 270 థియేటర్లలో పునీత్ జేమ్స్ సినిమాని తొలగించారు.
థియేటర్స్ లో ఈ సినిమా అద్భుతమైన టాక్ తో నడుస్తున్నప్పటికీ త్రిబుల్ ఆ సినిమా కోసం తమ అభిమాన నటుడి సినిమా తొలగించడం పట్ల ఇప్పటికే కన్నడ ప్రేక్షకులు సినిమాపై ఆగ్రహం వ్యక్తం చేస్తున్నారు. ఈ క్రమంలోనే పునీత్ రాజ్కుమార్ సోదరుడు శివ రాజ్ కుమార్ కూడా త్రిబుల్ ఆ సినిమాపై తీవ్ర అసంతృప్తిని వ్యక్తం చేయడమే కాకుండా కన్నడ ఫిలిం ఛాంబర్ ని ఈ విషయంపై ఆయన ప్రశ్నించినట్లు తెలుస్తోంది. తప్పు ఎవరిది అనే విషయం పక్కన పెడితే ఎంతో మంచి కలెక్షన్స్ తో థియేటర్స్ లో సక్సెస్ ఫుల్ గా ప్రదర్శితమవుతున్న జేమ్స్ సినిమాని ఎలా తొలగిస్తారు అంటూ కన్నడ ఫిలిం ఛాంబర్ పెద్దలపై శివ రాజ్ కుమార్ ఆగ్రహం వ్యక్తం చేసినట్లు వార్తలు వినిపిస్తున్నాయి. దీంతో ప్రస్తుతం తెలుగు సినిమాకి కర్ణాటకలో లో కొంత వ్యతిరేకత ఏర్పడింది..!!