అలా జరిగితే ఆచార్య ముందుకు వచ్చే ఛాన్స్!!
ఇప్పటికే ఈ సినిమాకు సంబంధించిన విడుదల తేదీ జనవరి 7వ తేదీన ఈ సినిమా విడుదల చేయబోతున్నామని చిత్రబృందం ప్రకటించి ఆ తేదీకి తగ్గట్లుగా ప్రమోషన్ కార్యక్రమాలు చేస్తూ సినిమాపై క్రేజ్ పెంచే విధంగా ముందుకు దూసుకుపోయింది. అయితే తాజాగా సోషల్ మీడియాలో ఈ చిత్రం విడుదల జరగడం లేదు అని ప్రచారం జరుగుతుంది. ఈ నేపథ్యంలో ఇదే కనుక నిజమైతే అభిమానులు భారీగా నిరాశ పడతారు అని చెప్పవచ్చు. రాజమౌళి దర్శకత్వంలో ఎన్టీఆర్ మరియు రామ్ చరణ్ లు హీరోగా నటించిన ఈ సినిమా పై టాలీవుడ్ మొత్తం ఎన్నో ఆశలు పెట్టుకుంది.
అంతే కాదు దేశ వ్యాప్తంగా మంచి అంచనాలు ఉన్నాయి. అలాంటి సినిమా ఇప్పుడు పోస్ట్ పోన్ అయితే అందరూ నిరాశ పడతారు. అయితే ఇదే నిజమైతే ఈ సినిమా విడుదల రోజున ఆచార్య సినిమాను ప్రేక్షకుల ముందుకు తీసుకురావాలని భావిస్తున్నాడు రామ్ చరణ్. ఈ చిత్రానికి ఆయన నిర్మాత కాగా ఓ కీలక పాత్రలో కూడా నటిస్తున్నాడు. కొరటాల శివ దర్శకత్వం వహించగా పలు మార్లు విడుదల తేదీ లో మర్పులు జరిగాకా ఫిబ్రవరి 3 న విడుదల ను ఫైనల్ చేసుకుంది. ఇండియా లోనే అత్యంత భారీ బడ్జెట్ చిత్రంగా ప్రేక్షకుల ముందుకు వస్తున్న ఆర్ ఆర్ సినిమా పోస్ట్పోన్ అయితే ఆ సినిమా ను తీసుకువచ్చి సంక్రాంతికి క్యాష్ చేసుకోవాలనే రామ్ చరణ్ ఆలోచన ఎంత వరకు కరెక్ట్ అనేది చూడాలి.